Angelica, Diether at Piolo, paliliyabin ang centerstage ngayong Linggo

MANILA, Philippines - Sa pagpapatuloy ng engrandeng 18th anniversary ng ASAP 18, dobleng kasiyahan at sorpresa ang pasabog ngayong Linggo sa Valentine’s at Chinese New Year celebration dahil itotodo ng phenomenal love team nina Coco Martin at Julia Montes ang pagpapakilig ng kanilang fans sa official launch ng pelikula nila mula sa Star Cinema na A Moment In Time.

Bukod sa Feb-ibig na dala nina Coco at Julia, magliliyab ang centerstage ng programa sa pagbisita ng cast ng pinakabagong Primetime Bida teleserye ng ABS-CBN na Apoy Sa Dagat tampok ang mga bida nitong sina Angelica Panganiban, Diether Ocampo, at Piolo Pascual.

Tuloy-tuloy na selebrasyon din ang masasaksihan sa back-to-back dance showdown ng ASAP dancing queens na sina Vina Morales, Regine Tolentino, at Angela Velez; at ng mga diva na sina Zsa Zsa Padilla, Bituin Escalante, Anna Fegi, Roselle Nava, at Angeline Quinto.

May bonggang birthday bash ding inihanda para sa kanilang direktor at  main man ng Star Magic na si Direk Johnny Manahan kasama ang nagla­lakihang Kapamilya stars. May espesyal na birthday party rin ang Kapamilya leading lady na si Cristine Reyes; at ng Concert King na si Martin Nievera kasama ang X Factor Philippines finalists na sina Gabriel Matura, Daddy’s Home, Jeric Medina, Allen Sta. Maria, Kedebon Colim, at KZ Tandingan.

Samantala, gagawaran ng gold record award si Mr. Pure Energy Gary Valenciano; maglulunsad ng pinakabagong album ni Yeng Constantino, at may makatindig-balahibong musical performance sina Aiza Seguerra at Bugoy Drilon para sa ikaapat na set ng series ng Himig Handog P-Pop Love Songs 2013.

Abangan din ang pinaka-astig na sorpresang inihanda ng OPM rock icon na si Bamboo; na susundan ng ultimate concert experience na ihahatid nina Piolo, Erik Santos, Jed Madela, Karylle, Nikki Gil, Jovit Baldivino, Marcelito Pomoy, Liezel Garcia, at ng ASAP Sessionistas.

Huwag ding palampasin ang makapigil-hiningang ASAP 18 dance performance na ihahandog nina Sam Milby, Gerald Anderson, Kim Chiu, Xian Lim, Maja Salvador, Rayver Cruz, Enrique Gil, Sam Concepcion, at Janine Tugonon.