Kylie kilig na kilig nang haranahin ni Aljur

PIK: Graduate pala si Coco Martin ng kursong HRM sa NCBA o National College of Business and Arts sa Fairview, Quezon City. Isa ‘yun sa mga batayan kung bakit siya ang pinili ng senatoriable na si Cong. Sonny Angara para maging endorser nito.

Education ang isa sa mga advocacy ni Cong. Angara kaya si Coco ang pinili niya.

Sabi ni Coco, ang lola niya talaga ang nagpursige na makapagtapos siya ng pag-aaral kaya tumigil ito sa pagtatrabaho at pag-aarti-artista noon para maka-graduate talaga siya.

PAK: Nasa Instagram ni Dr. Vicki Belo ang kuhang magkasama sila ni Hayden Kho, Jr. Sweet sila sa litratong iyon at sinulat pa niyang “love is in the air and it’s not even Valentine’s Day yet! My fantasy (come) true.”

Parang lantaran na rin naman ang relasyon ng dalawa kaya naniniwala kaming hindi talaga sila naghiwalay kundi tuloy lang ang kanilang relasyon.

Marami na nga ang nag-pick up sa ipinoste nito at ikinalat nang nagkabalikan sila. Pero mas naniniwala kaming walang hiwalayang nangyari.

BOOM: Kinikilig si Kylie Padilla na ikinuwento sa amin na nagharana si Aljur Abrenica sa kanya nung nakaraang kaarawan nito.

Jan. 25 ang birthday ni Kylie at nagulat ang teen actress nang biglang duma­ting si Aljur ng hatinggabi sa bahay niya para magkasama silang salubungin ang birthday niya.

“Pinababa niya ako, ’tapos kinantahan niya ako sa kalye. Naggitara siya, parang harana talaga. Kinikilig ako,” tuwang, tuwang ikinuwento ni Kylie.

Iyon daw ang pinaka-memorable na kaarawan niya dahil first time niyang na-experience na hinaranahan ng lalaking mahal niya.

Mas okay na nga raw sila ngayon at wala na silang isyu kay Robin Padilla dahil malinaw na sila na talaga at tanggap naman ito ng kanyang ama.