Hay Gugma!

GARRY: Mga Banatanay readers, kumusta kamo? Unsa kaha imong bati-on kung ang imong bestfriend, naka-date niya ang imong ex-boyfriend or ex-girlfriend? Nasakitan kaayo og dako ang Primetime Princess Kim Chiu human ang iyang close friend nga si Maja Salvador is dating her ex-boyfriend, actor Gerald Anderson.

Okay ra ba na ninyo mga Banatanay readers nga imong former partner makig-date sa imong bestfriend? Sa akoa, Vatski, wala ko’y nakitang daotan niana ug dili man siguro na angayan ikasuko ni Kim kay wala naman kaha silang Gerald gawas lang kung naa pa siya’y gusto sa aktor. Kung bestfriend silang Maja, dapat happy siya. Tinuod gyud nga kaning gugma, usa ni sa makaguba sa maayong relasyon sa atong higala. I will suggest nga kinahanglan mo move-on si Kim ug siya ang makig-settle sa iyang friendship ngadto ni Maja kay sayang gyud. 

VATSKI: Maayong adlaw, Gar, ug sa tanang mga loyalista sa Banatanay! Kung ako si Kim, Gar, murag malain siguro ko, kay nganu gud sa tanang tawo ang ako pa mang bestfriend ang panguyaban sa akong ex? Di ba na-link man na’s Gerald kang Shaina Magdayao? Unsa naman diay nahitabo ato? Kadto nalang siguro’ng mga babaye nga dili suod ni Kim, kay bisa’g moingun pa ka nga wala na sila, naa pa biya gihapon na bisag gamay. Unya ang mahitabo ani kay kung magkauyab sila ni Maja ug Gerald, dili nalang hinuon pwedeng magkita silang Kim ug Maja kay lagi, uyab naman sa naulahi ang iyang ex. Kay syempre, while presko pa ang tanan, mas maayo maglikay lang sa sila sa usa’g usa. Si Gerald no, wa sab ni klaro tawhana, mura’g makaingun nalang sab siguro si Kim nga gibuwagan siya kay naibog siya sa iyang bestfriend, which is very unfair. Pero wa ta kahibaw sa tinuod nga rasun sa ilang panagbuwag ha, kung kinsa gyuy sad-an nilang duha. Pero out of delicadeza lang unta ba, sa laing babaye nalang si Gerald uy. 

GARRY: Vatski, don’t drag friendship kay dili na-fair para ngadto kang Maja ug Gerald. We all fall in love in so many unexpected places. Wala gyud sayop si Maja kay dili gyud nimo matudloan ang kasing-kasing. Ang lingua nga out of respect sa friendship, pero kinahanglan maka-get over ka kang Gerald. Usahay kinahanglan happy pud ta sa atong friend, no matter what it will cost. I like Kim ha pero kinahanglan makat-on sab siya nga mahigugma sa iyang kaugalingon. Ang tinud-anay gugma, mabatyagan gyud nimo ang tinuoray’ng sakit. 

VATSKI: Wa man ko niingun nga sayop si Maja, Gar, tawo ra man pud na siya nga mahigugma. Although pwede ra man niya ingnun unta si Gerald nga ayaw lang sa kay amiga man gud sila ni Kim, kana kung gitreasure niya ang ilang friendship. Tan-aw nako, si Gerald gyud ang dapat unta nga motimbang-timbang  sa iyang desisyon, kung tinuod nga naa pa siyay respeto kang Kim. Ambot sab aning mga artista uy, mura’g nag mall-hopping ang pagkuha og uyab. Like kanang ilang Gerald ug Maja ron, history nana next week. Anyway, I wish them luck gihapon, hasta si Kim nga maka-move on na ug makakita na og laki nga molungtad. 

Pangutana: Duna bay mabasol niining tanan? Kun aduna, si kinsa ug ngano man? I-text ang imong opinyon, kauban sa imong ngalan ug address sa dili pa ang 12 noon karong adlawa, Monday, February 4, 2013. Ang numero ania ra: 0917-904-7513. Text text text na dear hugyawnatics! (BANAT NEWS)