Prayoridad ang trabaho

CEBU, Philippines - Gipadayag ni Ryza Cenon nga nalingaw na siya karon sa dagan sa iyang showbiz career busa dili niya kini hulipan og lovelife. Aminado siya nga mahimo ra nga idungan ang maong mga butang apan prayoridad niya karong panahona ang iyang trabaho. “Hindi ko ipagpapalit ang trabaho sa pag-ibig!,” hirit pa sa aktres.

Depende lang

Tsika pa ni Dingdong Dantes  nga nagdepende ra gyud sa sitwasyon ug ilabi na kung asa siya malipay sa posibilidad nga mobalhin siya og laing network “Depende pa rin, e. Siguro, sa kung saan ako magiging masaya, kung saan ma-maximize ang puwede kong ibigay,” matud pa sa aktor ngadto sa PEP.

Robin ma-attract og lain

Aminado si  Robin Padilla nga  bisan minyo na siya,  dili gyud malikayan nga ma-attract siya sa ubang babaye ug nasayod niini ang iyang asawa nga si Mariel Rodriguez. Suma pa ni Robin nga kabalo lang gyud siya mo-kontrol busa dili gyud siya matintal nga mouban sa laing babaye gumikan kay si Mariel ra gyud ang iyang gihigugma.

Lovi masinabtanon?

Masinabtanon nga pagkatawo maoy hiyas nga gipangita ni Jake Cuenca sa babaye nga gusto niya nga mauyab. Giangkon ni Jake nga duna siya’y ka-date karong panahona . Si Lovi Poe maoy gidungog nga  kanunay nga kuyog ni Jake sa pagpanuroy.

Oyo nakauyon na?

Giklaro ni  Oyo Boy Sotto nga wala siya nasuko sa  relasyon sa iyang amahan nga si  Vic Sotto ngadto kang Pauleen Luna apan normal lang nga kiwawan siya niini gumikan kay  bata pa kaayo ang aktres. “Nakikita ko si Daddy parang pabata nang pabata, parang magkaedad na lang nga kami,” tsika pa sa aktor.

Bag-ong album ni Luke

Si Luke Mejares ang producer sa iyang bag-ong album nga  Kasayaw nga dunay unod sa sikat nga mga kanta niadtong  ‘80’s sama sa Babaero, Macho Gwapito, Iyong-iyo ug Magsayawan. Nagmalaumon ang singer nga mosidlak siya pagbalik dungan sa pagbanhaw karon sa iyang music career.

Baron midepensa sa batasan

Tsika pa ni Baron nga sa kadaghan niya nga mga isyu nga giatubang, nakaingon siya nga dili kini ang tinoud niya nga karakter gumikan kay maayo gyud siya nga pagkatawo."Para siyang ilusyon lang para sa akin—that’s not the real me talaga,” tsika pa niya ngadto sa PEP.

Wala nagbalik

Gihimakak ni  Andi Eigenmann ang report nga matud pa nagbalik sila sa iyang kanhi  boyfriend nga si  Jake Ejercito . Suma pa niya nga nakaponting karon ang iyang atensyon sa pag-atiman sa iyang anak ingon man usab sa iyang showbiz career. “Wala. I'm single and I'm happy as you can see. Hindi naman sa mas happy ako na single ako ngayon pero at this point in my life, I am happy. It just so happens na I'm single,” suma pa ni Andi ngadto sa ABS-CBN News.

Rufa Mae sa Toda Max

Giklaro sa kampo sa komedyanteng aktres nga si Rufa Mae Quinto  nga magpabilin gihapon siya sa Bubble Gang sa GMA-7, bisan pa man sa pag-guest niya sa sitcom sa ABS-CBN nga Toda Max. Una nang gibalita dinhi sa Banat News Hugyaw sa miaging adlaw nga freelancer ang istado sa career ni Rufa Mae busa makatikang ra kini sa bisan asa nga istasyon.

Human sa 36 years Barbra mokanta  sa Oscars

Subling modalit og awit si  Barbra Streisand sa  Oscars sunod buwan ug mao kini ang pagbalik niya sa entablado human sa 36 ka tuig sukad siya mikanta sa maong kalihukan.

Katapusan nga nikanta si Barbra sa nahisgutang kalihukan niadtong  1977, kung diin gikanta niya ang  A Star Is Born ug nakaangkon usab kini og Academy Award for Best Original Song nga  "Evergreen."

Ang mga producer sa Oscars nga sila si  Craig Zadan ug  Neil Meron misaysay nga dakong dungog alang kanila  ang pagsanong sa maong banggiitang singer sa 85th ceremony  niini nga himoon sa  Los Angeles karong  February 24. "In an evening that celebrates the artistry of movies and music, how could the telecast be complete without Barbra Streisand? We are honored that she has agreed to do a very special performance on this year's Oscars, her first time singing on the show in 36 years,” tipik sa statement sa Oscars nga namantala sa ilang website.

Una nang nakadaug si Barbra  isip  Best Actress niadtong  1968 alang sa pelikula niya nga  Funny Girl ug nakadawat usab siya og nominasyon gumikan sa iyang  hugyaw na pag-arte sa The Way We Were niadtong 1973. Samtang ang  The Prince of Tides kung diin siya ang direktor, maoy  Best Picture niadtong 1991 sa maong award- giving body.

Komunikasyon ang labing importante

Pabilin nga dili mohatag og komento si Drew Arellano sa taho nga matud pa nga engaged na sila ni Iya Villania apan iyang gipaneguro nga mao na kini ang ikauban niya sa altar sa kaminyoon.

Gipaabot una sa duha ang saktong oras alang sa maong butang ug butyag pa niya nga niabot og siyam ka tuig ang ilang relasyon gumikan kay ilang gipatigbabaw ang pagsinabtanay sa usa’g-usa.

Matud pa niya nga komunikasyon ra gyud maoy labing importante aron magdugay ang usa ka relasyon.

“Behind a successful man is a patient woman. Communication, right from day one. Yun yung ang hinding-hindi ko makakalimutan na sinabi ko kay Iya na hindi talaga magwo-work 'to kung walang communication,” nagkanayon si Drew.

Eugene andam mobiya sa showbiz kung...

Gipadayag ni Eugene Dominggo nga kung gikinahanglan,  andam niya nga buhian ang iyang career sa higayon nga makit-an na niya ang iyang ideal guy nga makauban niya sa tibuok niya nga kinabuhi .

 Gipangandoy usab niya nga makabaton og pamilya apan iyang giklaro nga wala pa siya makakita og lalaki karong panahona nga nakabihag sa iyang kasing-kasing.

"Kung ipapahintulot ng Diyos na maghinay-hinay ka muna sa career mo, binigay ko na sa'yo 'yong lalaking para sa'yo, yes, I'm always willing to give up my career for a short time just to focus on the family kung ibibigay ng Panginoon," tsika pa ni Eugene ngadto sa website sa GMA.

Tsika pa sa komedyanteng aktres nga kontento gihapon siya sa iyang kinabuhi bisan pa man sa iyang pagka-single.

"At this point...alam mo talagang umabot naman ako sa point na hindi ko na inaasahan na lahat pala nito na na-achieve ko. Hindi na ako parang, I will not hesitate to tell you na siguro naman medyo malayo-layo na 'yong narating ko, lampas na sa pinangarap ko," dugang pa ni Eugene.

Be Careful finalist sa NY Festival

Ang  top-rating daytime series nga  "Be Careful With My Heart," sa  ABS-CBN ug uban pa nga mga programa sa maong istasyon ang  napili nga  finalists sa  upcoming international competition nga himoon sa Las Vegas. Ang maong  "kilig-serye" nga gibidahan nila ni  Jodi Sta. Maria ug  Richard Yap maoy finalist sa  "Telenovelas" category sa  2013 New York Festivals International Television and Film Awards

Laing  mga  Kapamilya series nga nag-ulohan og Budoy  maoy  finalist sa  Drama category. Nahimo usab nga finalist  ang  "Failon Ngayon"  gumikan sa episode nila nga "Mine Tailings" ug ang programang   "Krusada" alang sa episode nila nga "Bata ng Tahanan."

Samtang ang "Johnny: The Juan Ponce Enrile Story" (TV special) maoy  finalist sa  Biography/Profiles category. Samtang ang 3D animated special nga  "Ang Simula: The Natural History of the Philippines," nasulod usab sa listahan  sa  History & Society category. Finalist usab ang "A Call to Arms” alang sa Sports Program Promotion category. Ang seremonya mahitabo karong Abril 10 didto sa Las Vegas.

LJ nagpa-sexy og balik

Subling molugwa isip  cover girl sa FHM ang Kapuso star ug giila nga  "hot mama" nga si LJ Reyes.

Sa website sa FHM, malantawan ang sexy  cover photos ni LJ alang sa  February issue sa maong magazine . Duha ka mga sexy hulagway ni LJ ang malantawan sa maong magazine karong buwana.

Niadtong 2009 , nahimong  cover girl na si LJ sa  FHM ,  ug naka-pose na usab kini sa Playboy Philippines niadtong  March 2012.

Giangkon ni LJ Reyes  nga nakulbaan apan naghinam-hinam sa mahimong reaksyon sa mga tawo sa maong mga  hulagway  nga dunay tema nga  "wet and wild."

Matud pa niya nga dako ang iyang pagsalig  sa  team nga nagpaluyo sa  photo shoot busa komportable siya dihang gikuhaan siya og hulagway.

Regalo sa uyab

Gipaabot karon ni Richard  Guttierez ang DVD copy sa Seduction gumikan kay mao kini ang iyang iregalo ngadto sa iyang uyab nga si Sarah Lahbati sa higayon nga iya kining bisitahon didto sa  Switzerland.  Matud pa sa aktor nga gimingaw na siya pag-ayo ni Sarah ug nangita lang siya og panahon nga moluag ang iyang schedule aron makabisita na siya niini.