2013 cool gadgets pag-uusapan sa Pop Talk

MANILA, Philippines -  Kapapasok pa lamang ng 2013 pero hindi paaawat ang Pop Talk sa paghahanap ng pinakabago, pinaka-hot, at pinaka-astig na gadgets na rerebyuhin at kikilatisin para sa mga Pinoy. 

Ngayong Martes, tatlong gadgets ang ipakikilala at sisipatin ng Pop Talk - ang Nikon Coolpix S800c na isang Android-powered camera, ang ASUS Taichi na combo notebook at laptop na may back-to-back dual screen pa, at ang HD Video Recorder Watch - ang relong may spy-camera ang paandar.

Makakasama ni Tonipet Gaba sa pagrerebyu ang mga guest reviewers na sina TJ Panganiban, ang founder at editor ng TJ’s Daily na isa sa nangungunang technology at gaming blogs; Rowena Yu, ang mommy at online entrepreneur ng Shopville Onlineshop, at ang celebrity reviewer na Youtube sensation na sina Jamvhille Sebastian at Michelle Liggayu o mas kilalang ‘JAMICH!’ 

Huhusgahan nila ang tatlong gadgets base sa criteria na design and features, wow factor, at value for money. Alin kaya sa mga ito ang pop o flop?