Isyu nina Cesar, Sarah L., Maricel nalaos agad

Ang bilis malaos ng mga showbiz issue ha? Hindi na pinag-uusapan ang isyu ng mag-asawang Cesar Montano at Sunshine Cruz.

Nawala ang 15-minute fame ng starlet na si Krista Miller dahil hindi niya pinagbigyan ang mga request na mainterbyu siya ng showbiz press.
Passé na ang kontrobersiya na kinasangkutan nina Maricel Soriano at Gerald Anderson at lipas na ang gusot sa pagitan ni Sarah Lahbati at ng GMA Network, Inc. Ang dali-daling lumipas ng mga showbiz controversy. Hindi gaya dati na tumatagal ng ilang linggo at buwan ang mga kontrobersiya.

Risa Hontiveros idinenay na dyowa si Llamas!

Sinagot kahapon ng senatoriable Risa Hontiveros ang mga tsismis na nag-uugnay sa kanya kay former presidential political adviser Ronald Llamas.
Itinanggi ni Mama Risa ang tsismis. Hindi raw totoo na boyfriend niya si Llamas pero matagal na silang magkaibigan.

Sa ginawang paglilinaw ni Mama Risa, matitigil na siguro ang mga tsismis. Sa mga hindi pamilyar kay Llamas, siya ang political adviser ni P-Noy na nakunan ng litrato habang bumibili ng mga pirated DVD.

Sa totoo lang, hindi naman masama na ma-link si Mama Risa sa opposite sex dahil biyuda siya. May karapatan din naman siya na magkaroon ng love life.
Kung sakaling magmamahal siya muli, gusto ni Mama Risa ng lalaki na mabuting tao at matalino.

Napa-smile siya nang itanong kung papasa ba sa kanya si P-Noy. Ang say niya, “P-Noy is definitely a good person. He is smart.”

Stage actress si Mama Risa noong bagets pa siya. Marunong siyang kumanta at dream niya na maging back-up singer ni Noel Cabangon.

Ikinuwento ni Mama Risa na napanood niya ang Les Miserables. Puring-puri niya ang acting ni Anne Hathaway. Paghahandaan ni Mama Risa ang susunod na meeting niya sa entertainment press as in kakantahin niya ang song ni Anne sa Les Miserables.

Spoof ng Banana Split kina Ricky at Anne mahusay

Napanood ko kahapon sa YouTube ang spoof ng Banana Split sa interview ni Papa Ricky Lo kay Anne Hathaway.

Ang komedyante na si Pooh ang nag-impersona­te kay Papa Ricky at si Melai Cantiveros ang gumanap na Anne.

Kung sinuman ang nagsulat ng script ng Ricky-Anne spoof, magaling siya dahil alam niya lahat ang mga binabati ko sa Startalk mula kay Dr. Vicki Belo hanggang sa Bizarre. Ginawa niya ang homework dahil saktung-sakto ang kanyang research.

Raymart nawalan ng trabaho

Hindi na pala matutuloy ang Mrs. Snowhite, ang teleserye ng GMA 7 na tatampukan dapat nina Jillian Ward, Raymart Santiago, at Carla Abellana.
May mga nanghinayang dahil maganda at mara­ming animation ang shelved pro­ject ng Kapuso Network.