Bettina Carlos sikad paingon sa malamdag nga ugma

CEBU, Philippines -  Ubay-ubay ang nangutana kung unsay sekreto sa aktres nga si Bettina Carlos sa maayong pagdala sa iyang karakter sa Temptation of Wife nga gihulagway niya nga "mentally delayed" kung diin gikinahanglan nga mo-arte nga susama og bata ang kabuot.

Tsika pa ni Bettina dinhi sa Banat News Hugyaw nga unang higayon niya kini nga nakadawat sa maong klase nga role busa dako ang iyang kalipay nga wala gyud siya kadawat og mga pagsaway.

"Meron akong anak at mga pamangkin, kaya kuhang-kuha ko yung kilos ng mga bata. Pero pinag-aralan ko din ang karakter ko para natural ang kalabasan nito sa harap sa kamera. Mahirap siya, pero kunti lang."Pinapanood ko po ang ilang episodes at hindi ko pinanood nang buo kasi ayoko masyadong gayahin lahat. Kahit remake siya, dapat naman may konting bago na mapapanood ng viewers," saysay pa ni Bettina.

Giisip ni Bettina nga dakong break alang kaniya ang pagkalakip sa Temptation of Wife gumikan kay nakadungog na siya kung unsa kini kakusog sa  dihang gipasalida pa ang Korean version niini kaniadto.

"Nakakatakot po talaga, ang lakas kasi ng Temptation, kaya iniisip ko palagi na kaya ko to," mapahiyomong lenggua sa aktres.

Sa miaging tuig, na-expire ang kontrata ni Bettina sa ABS-CBN busa mitabok dayon siya sa GMA-7.

"Pumirma na po ako ng kontrata sa GMA Artist Center  at ito'y until 2017 po," hirit pa sa aktres.

Nibiya siya sa ABS-CBN gumikan kay gitanyagan siya og maayong oportunidad sa GMA-7 ug lakip na ang mga hosting job.

"Sinabi ko talaga sa  Star Magic na i- release nila ako, gusto ko kasi maging host sa mga show," matud pa ni Bettina kinsa nahimong host na sa nagkadaiyang programa sa GMA-7.

Gumikan sa karakter niya nga Tiya Madel,  kanunay niya ka-eksena ang bida sa Temptation of Wife nga si  Marian Rivera.

"Naging close na kami ni Marian, kasi sa taping, may times na nagtatawanan kami. Before the take, nagtatawanan kami, nagbibiruan kami," matud pa ni Bettina.

Tsika pa ni Bettina nga mahigalaon nga pagkatawo si Marian sukwahi sa mga obserbasyon sa ubang tawo nga matud pa suplada ang aktres.

"Ugali ko kasi na kung ano yung ipakita sa akin, siyempre iyon yung basis ko. And wala siyang ipinakita sa akin na ikakagalit ko. Ang bait talaga niya. Minsan nga,  dederetso na yan sa set , galing sa ibang taping sa mga programa niya sa GMA,  pero  marunong pa ring ngumiti," tsika pa niya.

Samtang gibutyag ni Bettina nga isip usa ka inahan , kinahanglan gyud niya nga  motrabaho pag-ayo.

Usa ka tuig kapin na ang pangedaron sa iyang  baby girl nga ginganlan  og Amanda Lucia o Gummy.

Nagdumili paghisgot si Bettina kabahin sa amahan sa iyang anak ug giklaro niya nga wala sila'y komunikasyon niini.

Tsika pa sa aktres nga dili na siya magdahom nga mohatag og sustento ang amahan sa bata ug gipasalig ni Bettina nga kaya niya nga buhion ang iyang anak.

Dugang pa niya, nga wala siya'y plano nga mosulod og bag-ong relasyon gumikan kay naka-focus siya sa pag-atiman sa iyang anak.

"Kahit wala akong partner, naging masaya naman ako sa buhay ko ngayon dahil sa baby ko. Kaya natatawa ako sa mga sinasabi ng ibang tao na kailangan merong partner para maging masaya, para sa akin, hindi totoo ang ganyang kasabihan. Depende po yan, kung paano mo dinadala yung sarili mo para maging masaya," pasabot pa ni Bettina.

 Adunay kolum si Bettina sa igsuong mantalaan sa Banat News, ang Pang Masa (PM) nga sakop usab sa Philippine Star Group of Publications.

  "Yung mga sinusulat  ko ang tungkol sa youth  po. Sa kahit anong bagay o mga pangyayari sa ating bansa, kailangan din naman mapakinggan ang boses ng kabataan, " panapos pa ni Bettina.

"Metro Manila" nakadaug sa Sundance Film Festival

A Filipino-British film nga gigama dinhi sa Pilipinas  maoy nakaangkon sa  World Cinema Dramatic Audience Award sa  2013 Sundance Film Festival  niadtong Sabado.

Ang maong pelikula nag-ulohan og "Metro Manila" nga gibitounan nila ni Jake Macapagal, John Arcilla, and Althea Vega.

Nasayran nga gikatigi sa maong pelikula ang  11 ka mga pambato gikan sa nagkalain-laing nasud sa kalibutan.

Ang pelikulang "Metro Manila" naghisgot sa kabos nga pamilya nga nanimpad sa kaulohan aron mangita og kaayohan nga makaluwas nila sa kalisod. Ubos kini sa direksyon sa British filmmaker  nga si Sean Ellis .

Ang  Sundance Film Festival  maoy usa sa girekonsiderar nga "most prestigious independent film festival"  didto sa Amerika.

Jasmine nagpungasi ang suwerte

Hugyaw ang pagbalik ni Jasmine Curtis dinhi sa Pilipinas gumikan kay gawas sa usa ka sitcom sa TV 5 , malakip usab siya sa usa ka indie film nga entry sa Cinemalaya. Tsika pa ni Jasmine nga mao kini ang una niya nga indie film busa naghinam-hinam na siya niini.

Dili molantaw

Wala'y plano si Mariel Rodriguez nga molantaw sa love scene sa mister niya nga si Robin Padilla ug Anne Curtis sa serye sa ABS-CBN 2 nga Kailangan Ko'y Ikaw. Dugang pa ni Mariel nga dili usab siya moduaw ni Robin sa set sa maong serye aron dili siya mag-atubang og isyu. Pinaagi niini, maka-focus si Robin sa iyang trabaho.

Julie Anne gikawatan

Giingong gisakiyo sa wala mailhing mga kawatan ang bag ni Julie Anne San Jose nga dunay sulod nga cash ug mga importanteng butang nga mobalor og dul-an sa P100,000. Nawala kini sa studio sa Party Pilipinas.

Pepe ilubong ugma

Ugmang adlawa gikatakdang ilubong ang beteranong TV host ug komedyante nga si Jose "Pepe" Pimentel didto sa San Juan City. Kahinumduman nga nakaplagan na nga wala na'y kinabuhi si Pepe sa banyo niini sa miaging semana ug gitouhan nga giatake kini sa kasing-kasing.

Nisobra sa oras

Moabot og dul-an sa lima ka oras ang airing sa  bag-ong noontime show sa TV 5 nga Wowowillie niadtong Sabado busa naapektohan ang ubang mga programa sa nahisgutang istasyon. Tulo lang  ka oras ang gitagana sa  maong show. Hinuon ang mga followers ni Willie Revillame misabot sa maong sitwasyon sanglit pilot episode man kini sa maong show.

Usa sa mga hiyas

Tsika pa ni Robin Padilla nga nakahatag og dugang hiyas sa ilang clan  ang pagsikat karon sa iyang pag-umangkon nga si Daniel. Matud pa nga nailado na og samot ang mga Padilla gumikan sa popularidad karon ni Daniel.

Dawn interesado sa bag-ong serye

Gihimakak sa kampo ni  Dawn Zulueta nga matud pa gibalibaran niya ang role ni  Maricel Soriano sa  bag-ong serye nga  Bukas Na Lang Kita Mamahalin sa ABS-CBN. Matud pa nga dawaton gyud kini sa aktres gumikan kay usa kini ka dakong proyekto.

Guba diay ang sakyanan

Kanunay ihatud ni Derek Ramsay si Nadine Samonte sa tambongan nga mga kalihukan sa aktres. Giingong gipaayo pa ni Nadine ang iyang sakyanan busa temporaryo siya nga gipasakay sa sakyanan ni Derek. Giklaro sa duha nga wala sila'y espesyal nga relasyon.

Vice-Maricel movie madayon

Madayon ang  pelikula nga pagabituonan nila ni  Maricel Soriano ug Vice Ganda. Ang Viva Films maoy  producer sa maong comedy movie project  busa dili tinuod ang migawas nga mga taho sa miaging adlaw nga matud pa dili kini madayon gumikan sa mga negatibong isyu ni Maricel.

Iza kever sa isyu

Wala panumbalinga ni Iza Calzado ang mitumaw nga isyu nga matud pa nga dunay higayon nga ni-walk out siya   sa serye niya nga  Kahit Puso'y Masugatan sa ABS-CBN gumikan kay matud pa dili kini tinuod. Suma pa sa aktres nga naka-ponting ang iyang atensyon sa mga positibong butang nga naangkon sa iyang kinabuhi.