Hello! Kumusta inyong Sinulog? Sigurado ko nag- enjoy ‘mong tanan. Momingaw na sad og balik ang Cebu pero kita diri sa Anah Lang, padayon gihapon og tubag sa inyong mga pangutana ug paghatag og mga tips ninyo. Mao na katong naay mga problema dira sa pagpagwapa, panamit, pamatasan ug uban pa, e text na. Ania ang mga napili nako nga mga pangutana karong Domingoha:
1. Hi Good Morning ate Anna. Ask lang unta ko kung unsa nga flat shoes or sandals nindot e wear kung mo attend og espesyal nga okasyon ug unsa pud ang color. Thanks! Axel Mae of Mandaue.
Hi Axel! Depende kana kung unsa imong okasyon atenan. Pero kung mubo imong sanina, pwede ka mag sul-ob og mga ballet flats o kanang mga closed flat shoes. Pero kung taas imong sanina o lapas sa taas, dapat open imong sandals o flats. Ang color modepende sad sa color sa imong sanina, pero pinaka safe ang beige o nude color.
2. Hi miss Ana. Im Azil of Danao. Kaslunon ko ds June pro civil ra. Kay civil man dili ko mag-gown ana. Unsa man imo ika- suggest nga maayong sul-obon? Thank you and more power.
Hi Azil! Wow, best wishes nimo daan. Kung civil nga mga kasal, pwede ka mag-short dress. Kay kasal man, nindot og puti. Pero kung di ka gusto magputi, pwede ka mopili og color nga duol sa white, pareha sa cream o off white.
3. Good mrning! Ask ta ko unsay angay suoton nako aron di kaayo ko chubby tan-awon? Unya hilig sad ko og pakigul gud. Unsa nga hairstyle ang dapat sa akoa. Mitchie of brgy. Parian.
Hi Mitchie! Ang bagay nga hairstyle sa mga chubby kay taas kay makatabang kini nga maka slim tan-awon. Likayi ang bangs, kay bagay lamang kini sa mga daut. Medyo makalapad man gud og nawong ang bangs. Sa mga sanina, likayi ang mga collars, mga light colors pareho sa puti. Dapat mga dark para makahatag og ilusyon nga gamay ka. Ayaw sul-ob og mga pakigul ug mga fit kaayo. Kanang sakto lang.
4. Good Morning! If mubo ka, what man imo sul-obon para ma-angayan ka tan-awon? Beng Manalo, Basak, Lapu-Lapu.
Hello Beng! Kung mubo ka, dapat mga mugbo sad imo sul-obon pareha sa mini skirt, shorts o short dresses. Kini makapataas og legs ug makahatag og ilusyon nga taas ka. Makatabang sad ang mag sul-ob og mga heels o wedge. Not necessarily mga tag-as pero bisan 2 or 3 inches lang.
5. Hi! Kailangan ba og nindot nga lawas para mahimo ka og usa ka fashionista? Gusto ko mahimo og usa ka fashionista pero bata pa man ko. Jercel Garcia of Guizo, Mandaue City.
- Hi Jercel! Of course, dili kailangan nga nindot imong lawas. Ang importante para ikaw mahimong fashionista kay confidence o kumpyansa sa kaugalingon ug dapat komportable ka sa imong gisul-ob. Dapat lang sad ka hibaw ka sa mga uso pinaagi sa pagbasa og magazine o mag search sa internet. Kung ikaw tinuod nga fashionista, bisan unsa pa imong lawas, kahibaw ka mo adjust ug mopili og sanina nga mobagay nimo.
Pangutana kabahin sa beauty, fashion, ug personality development? I-text ni Anna, kauban sa imong ngalan ug address pinaagi sa: 0943-431-4567. Kutob lamang karong 10 a.m., January 27, ang pagdawat nato sa inyong mga text messages.
Atangi dinhi sa Anah Lang ang tubag sa maong mga pangutana, ayaw pagpaabot nga mu-text back si Anna!