Festival Queen 2013 “Haros Kamunggay” Ang Awards

CEBU, Philippines - Ang garbo sa Tribu Himag-Ulaw sa Placer, Masbate nga si Jamie Herrell maoy napili nga Miss Sinulog Festival Queen 2013 nga gipahigayon sa Cebu City Sports Center niadtong Biyernes sa gabii.

Sa unang bahin pa lang sa programa, kanunay nga giabibahan si Jamie sa mga tawo ug gani nanghakot kini og mga special awards.

“Akong gibuhat, nag-pray ra gyud ko, salamat kaayo sa tanang suporta,” suma pa ni Jamie sa pakighinabi niini sa mga sakop sa media sa backstage.

Dugang pa ni Jamie kinsa usa ka Fil-Am nga dili na niya bag-o ang pagrampa sa entablado sanglit nahimo naman siya nga 1st runner-up sa Miss Lapulapu sa miaging tuig.

Nagtungha ang 18 anyos nga si Jamie sa University of San Jose Recoletos  sa kursong Mass Communication (2nd year).

Misamot og siyanigitay  ang mga followers ni Jamie sa dihang nalangkat niya ang kasagaran nga  minor ug special awards  nga naglakip   sama sa Best in Runway, Miss Smart, Miss Mcdonalds, SM Festival Queen, Ms Lecit-E, Ms Uratex, Ms PLDT, Best in Group Performance, ug  Best Solo Performer.

Nagkanayon si Jamie nga misamot og kagaan ang iyang gibati gumikan sa nagsagunson nga minor awards nga iyang nadawat.

Samtang ang designer sa gisul-ob nga gown ni Jamie nga si Malayka Yamas misaysay dinhi sa Banat News Hugyaw nga gipangandaman gyud niya og maayo ang festival gown sa iyang kandidata .

“Ang gown kay combination siya sa color  magenta, gold , puwa ug maroon, aron mohayag siya og maayo sa face sa stage,” suma pa ni Yamas.

Dugang pa niya nga moabot ngadto sa P20,000 ang kantidad sa festival gown ni Jamie ug kapin sa semana ang paghimo niini gumikan kay giseguro gyud niya nga hugyaw kini tan-awon.

Mihatag gyud og todo suporta sa Tribu Himag-Ulaw ang mayor sa Placer Masbate nga si Jay Lanete kinsa misaysay dinhi sa Banat News Hugyaw nga adunay mga panahon nga magkuwang ang ilang tulog aron lang gyud matarong ang performance sa iyang contingent.

Nagmalaumon si Lanete nga sama sa Festival Queen, magmalampuson usab ang Tribu Himag-Ulaw sa Sinulog Grand Parade karong adlawa.

Samtang ang  garbo sa Sinanduloy Cultural Troupe, Tangub City nga si  Mary Joy Delmo maoy napili nga Sinulog Festival Queen 1st Runner-up.

Napili usab isip 2nd runner-up  ang kandidata sa gitawag  nga Land of Beauty and Bounty o Lanao del Norte nga si Caryl Soledad  .

Ang pambato sa Talisay City nga si Maria Cassandra Yu maoy 3rd Runner-up, samtang ang kandidata sa Carcar City nga si Cherry Lyn Enad maoy 4th  Runner-up.

Kahinumduman nga  sa miaging tuig,  ang pambato sa Lumad Basakanon sa  Basak San Nicolas nga si Apriel Smith  maoy Festival Queen 2012.

Nahimong hugyaw ang Festival Queen karong tuiga,  gumikan nihalad sa ilang song numbers ang Sinulog Idol 2013  finalist Junrey Rosales Tomong , Sinulog Idol 2013  2nd  Runner-up  Dan Escasinas ug Sinulog Idol 2013 Champion Claro Maylon Jr.

Minor awards:

Best in Runway: Jamie Herrell (Placer, Masbate)

SM Festival Queen: Jamie Herrell (Placer, Masbate)

Ms Photogenic: Albyjane Borbon (Lumad Basakanon)

Ms Lecit-E: Jamie Herrell (Placer, Masbate).

Ms Uratex: Jamie Herrell (Placer, Masbate)

Ms Tropicana Coco Crunch: Dindi Athena Maguikay (Tuburan, Cebu)

Ms Amiga: Maria Cassandra Yu (Talisay City)

Ms PLDT: Jamie Herrell (Placer, Masbate)

Ms DOLE: Albyjane Borbon (Lumad Basakanon)

Ms Globe: Mary Joy Delmo (Tangub City)