CEBU, Philippines - Gikiha si Justin Bieber sa iyang kanhi bodyguard gumikan kay gidapatan matud pa siya kaniadto sa Canadian pop singer.
Suma pa sa kanhi niya body guard nga si Moshe Benabou nga kadaghan na nga higayon nga gisukmag siya ni Justin sukad sa iyang pagserbisyo sa singer dul-an na sa duha sa ka tuig.
Nangayo si Moshe og danyos nga dul-an sa $420,000 ug mao kini ang wala niya nakuha nga overtime pay. Nasayran nga ex- Israeli army ang kanhi body guard ni Justin. Samtang ang kampo ni Justin mihimakak sa maong akusasyon ug misaysay nga gusto lang niini nga panguwartahan ang singer.
Sisterakas numero uno
MMFFF 2012 BOX OFFICE RESULT
(as of: January 8)
Sisterakas - P342 million
One More Try -.5 million
Si Agimat Si Enteng Kabisote at Si Ako - P133.5 million
Shake Rattle & Roll 14 - P45.3 million
Sa pagsulat niini balitaa, wala pa gipagawas sa MMDA ang box-office return sa laing upat pa ka mga pelikula nga El Presidente, The Strangers, Sosy Problems, ug Thy Womb.