CEBU, Philippines - Andam na ang tanan alang sa umaabot nga 33rd Cebu Pop Music Festival diin ang Grand Finals ipahigayon diha sa Cebu Coliseum karong umaabot January 18, 2013. Ang Cebu Pop tinuig nga kalihukan nga halad ni First District Representative Eduardo Gullas ngadto sa Balaang Bata nga si Senor Sto. Nino ug sa samang higayon agig pagpalambo usab sa Sugbuanong talento ug musika. Sama sa naandan 12 na pud ka mga komposisyon ang magtigi, nga puros mga orihinal nga mugna.
Adtong, Enero 3, atong gisugdan ang pagsinati niining maong mga entries, diin inyo na nga nabasa ang lyrics sa mga awit nga O Sweldo, Amomahon Ka ug Usa Ka Libo, Usa Ka Panamilit , Gugma Ko ug Magkuyog Ta, Panalipdan Ta. Karon ania ang lain na pud nga finalist:
Kay unsa ra man ako
Music and Lyrics by Jay-arr F. Librando
Arranged by Nendel Endrina
Performed by Jay-arr Librando
Chorus:
Kay unsa ra man ako,
Yano lang sa panan-aw mo
Wala bay bili ang tanan nga gibuhat ko?
Kay unsa ra man gud ako
Yano lang sa panan-aw mo
Hinunoa maabot ra ang panahon
Nga ikaw maghandum kanako.
Sa tanang adlaw gihandum ko ikaw
Sa huna-huna ko ikaw lang gayud anaa kanunay
Gibuhat ko ang tanan nga ikaw magmalipayon
Apan wa mo panumbalinga ‘king gugma ko
Dako nga pag-antos ‘ning gibati ko
Sakripisyo nga alang kanimo
Gikalimtan ko ang tanan aron ikaw mabulahan
Bisan kaugalingon, nanumbaling ba ako?
(repeat chorus)
Mipabilin ako, mibati kanimo,
Mi-alagad, misakripisyo, mihigugma, mipaluyo
Apan bisan niining tanan, bisan ug haduol,
Giisip kong halayo ikaw kanako
Kay unsa ra man ako,
Yano lang sa panan-aw mo
Wala bay bili ang tanan nga gibuhat ko?
Kay unsa ra man ako,
Yano lang sa panan-aw mo
Wala bay bili ang tanan nga gibuhat ko?
Kay unsa ra man ako,
Yano lang sa panan-aw mo
Wala bay bili ang tanan nga gibuhat ko?
Kay unsa ra man gud ako
Yano lang sa panan-aw mo
Hinunoa maabot ra ang panahon
Nga ikaw maghandum kanako
Hinunoa maabot ra ang panahon
Maabot ang panahon
Kay unsa ra man ako…
Ang tickets mapalit diha sa UV Main, Tawag sa 2555741 alang sa pangutana. Ringside P300, Lower Box P200, Upper Box 100, Gen. Ad P50. (BANAT NEWS)