CEBU, Philippines - Andam na ang tanan alang sa umaabot nga 33rd Cebu Pop Music Festival diin ang Grand Finals ipahigayon diha sa Cebu Coliseum karong umaabot January 18, 2013. Ang Cebu Pop tinuig nga kalihukan nga halad ni First District Representative Eduardo Gullas ngadto sa Balaang Bata nga si Senor Sto. Nino ug sa samang higayon agig pagpalambo usab sa Sugbuanong talento ug musika. Sama sa naandan 12 na pud ka mga komposisyon ang magtigi, nga puros mga orihinal nga mugna.
Adtong, Enero 3, atong gisugdan ang pagsinati niining maong mga entries, diin inyo na nga nabasa ang lyrics sa mga awit nga O Sweldo, Amomahon Ka ug Usa Ka Libo Ug Usa Ka Panamilit. Karon ania ang ikaupat nga finalist:
Gugma ko
Music and Lyrics by Rev. Fr. Ponce Jed Bellones
Arranged by Nendel Endrina
Performed by Jade Andrew Rosit
I
Nasayud ba, ang imong dughan
Nabati mo ba, ang akong gugma
Gugmang gibati, sa dugay’ng panahon
Apan kini karon itug-an kona
Chorus
May paglaum ba ang akong gugma?
Sultihi na tagai’g, pagtagad kini
Hatagan ko ikaw,sa di mo kabayran
Gugmang tiunay, ning akong dughan
II
Di ko igsapayan,ang hagit sa gugma
Atubangon ko, ug akong sagubangon
Bisan pa man magun-ob ang kalibutan
Magpabiling tim-os ang akong gugma
(Repeat cho)
Bridge
Busa ania ako, masaligon nga imong dawaton
Ang halad sa akong gugma
Instumental:
Hatagan ko ikaw sa di mo kabayran
Gugmang tiunay ning akong dughan
Coda
Busa ania ako, masaligon nga imong dawaton
Ang halad sa akong gugma
Ang halad sa akong gugma
Ohhh…
Ang tickets mapalit diha sa UV Main, Tawag sa 2555741 alang sa pangutana. Ringside P300, Lower Box P200, Upper Box 100, Gen. Ad P50.