Hindi na masaya sa TV5 matapos tigbakin ang show: Sharon babalik na sa ABS-CBN? BB may iniwang karelasyon sa NY

PIK: Totoo kayang si Sarah Geronimo na ang kinuhang modelo ni Cong. Sonny Angara na isa sa tatakbong senador sa darating na eleksiyon?

Kinuha rin nito si Julia Montes na nag-endorse ng advocacy ni Rep. Anga­ra sa mga senior citizen. Pero ang talagang mag-i-endorse sa naturang senatoriable ay si Sarah.

Hindi pa ito kinumpirma sa amin ng Pop Princess pero reliable ang nagkuwento sa aming nagkasundo na raw sa lahat na terms at si Cong. Angara na lang nga ang susuportahan niya.

PAK: Dahil sa pagkasibak ng programa ni Sharon Cuneta sa TV5, may lumulutang ngayon na kuwentong babalik na ang Megastar ng ABS-CBN.

Hindi na masaya ang Mega sa TV5 kaya ina­ayos na ang pagbabalik-Kapamilya niya.

Sana mai-tweet nga ni Sharon kung totoo nga itong naririnig namin.

BOOM: Inamin ni BB Gandanghari na may iniwan siyang inspirasyon sa New York.

Isa iyon sa naibahagi niyang kuwento nang sinalubong namin sa NAIA Terminal 1 kahapon.

Dagdag pang kuwento ni BB, nasa proseso na rin siya sa desisyong pagpapa-sex change pero matagal pa ito mangyayari.

“It’s a very long process. Siguro psychologically nandun na ako sa proseso nang nagsisimula na ako, nandun pa lang naman, at hindi ganun kadali ’yun,” pahayag ng dating Rustom Padilla.

Inaayos na rin ang mga papeles nang pagpapalit ng pangalan niya mula sa dati niyang pangalan na maging Binibining Gandanghari.