Sarah gidepensahan ni Annabelle

CEBU, Philippines - Gidepensahan ni Annabelle Rama ang uyab ni Richard Guttierez nga si Sarah Lahbati kalabot sa isyu nga matud pa mi-walk out kini sa taping sa Indio butang nga gihimakak sa aktres. Matud pa ni Annabelle nga dunay staff sa maong serye ang tataw nga namakak busa iyang panawagan nga mosulti nkini kamatouran. Kahinumduman nga padayon karon nga nag-atubang og problema  si Sarah  sa GMA Artist Center busa panghinaut ni Annabelle nga masulbad na ang maong isyu. “I will just light a candle and pray na sana matapos na lahat ng gulong ito,” tweet pa ni  Annabelle.

Pebrero 2015 pa   kutob ang kontrata!

Kutob pa karong February 21, 2015  ang kontrata ni  Sarah Lahbati sa GMA Artist Center busa gibarogan sa maong istasyon nga nakasupak gyud ang aktres sa ilang nasabotan partikular na ang pagbiya niini sa ilang talent center ug mipirma og kontrata sa talent management company nga Royal Era Entertainment & Artist Management kinsa gidumala ni Annabelle Rama. Suma pa sa official statement sa GMA nga wala sila’y choice   kundi  ikiha nila si Sarah ug ang Royal Era Entertainment and  Artist Management kung mobalibad kini sa pag-atras sa naumol  nila nga pinirmahay og kontrata. Nalakip sa probisyon sa kontrata ni Sarah nga nahimutang sa Paragraph  1.3 ug  1.4, nagkanayon, “artist shall perform the role and appear in the television programs, projects and events assigned to her, and conscientiously fulfill faithfully and promptly any and all engagements/booking contracted to her by GMA”.

Jopay mibalik sa Sexbomb

Human sa duha tuig nga pagpahuway,  mibalik na si  Jopay Paguia sa grupong Sexbomb Girls. Kahinumduman nga ni-focus si Jopay sa iyang food cart business hinungdan nga temporaryo siya nga nibiya kaniadto sa Sexbomb. Gihimakak usab niya ang tsismis nga matud pa nga napamabdosan siya sa iyang kanhi uyab nga si Joshua Zamora.

Puros lig-on

Balik-taping napud si Nora Aunor sa seryeng Never Say Goodbye sa TV 5 ug giatngan pag-ayo ang bawsanay nila nga pag-arte ni Gardo Versoza. Magtiayon ang karakter nila ni Nora ug Gardo sa maong serye.

Goodbye Gerald

Tsika pa ni Sarah Geronimo nga iyaha na nga gipapas si Gerald Anderson sa iyang kasing-kasing bisan pa man sa lenggua sa aktor nga nagpabilin gihapon nga espesyal kaniya ang singer-actress.

Valerie malantawan sa ABS-CBN

Malakip sa seryeng May Isang Pangarap sa ABS-CBN ang Kapatid star nga si Valerie Concepcion.  Giingong dili exclusive ang aktres sa TV 5 busa makahimo ra kini og proyekto sa ubang network. Ang nahigutang serye pagabidahan sa bag-ong child wonders nga sila si Claire Sabroso ug Julia Klarisse Base.

Rocco negosyante na

Gipaneguro ni  Rocco Nacino nga dunay siya’y makita sa iyang hinagoan sa showbiz hinungdan nga usa na siya karon sa mga tag-iya sa usa ka gym nga nahimutang sa Pasig City. 

Ejay giintriga

Gihimakak ni Ejay Falcon ang mga taho nga matud pa nga nalambigit siya sa usa ka influential gay executive sa Kapamilya Network hinungdan nga siya ang gikuhang bida sa remake sa Dugong Buhay. Matud pa ni Ejay nga walay basehan ang maong taho ug giklaro niya nga natayming lang nga ang susama  niya og hitsura maoy nahaom sa karakter niya sa maong programa.

Aljur taga pikas ang adviser

Gidungog nga taga ABS-CBN ang career adviser sa Kapuso star nga si Aljur Abrenica. Wala hinoun hinganli kung kinsa ang maong adviser sa aktor nga nakatabang kaniya sa dihang namingaw og kalit ang iyang career kaniadto.

BB mipirma sa Viva

Mipirma matud pa og kontrata si BB Gandanghari sa Viva Films dili pa lang dugay ug mao kini ang gikatahong i-anunsyo niya karong adlawa. Matud pa nga usa ka big project ang nagpaabot ni BB sa nahisgutang movie outfit.

Kung Fu Divas

Ang na-link kaniadto ni Dra. Vicki Belo nga si Edward Mendez maoy  lead actor sa comedy movie nga  Kung Fu Divas nga pagabidahan usab nila ni  Ai-Ai delas Alas ug Marian Rivera. Kahinumduman nga giselosan si Edward kaniadto sa ex-boyfriend ni Dra. Belo nga si Hayden Kho. (BANAT NEWS)