CEBU, Philippines - Karo’ng adlawa mahibalik dinhi sa Pilipinas ang Sugbuanon nga si Rizzini Alexis Gomez, human sa iyang kadaugan isip Miss Tourism International didto sa Malaysia adtong December 31, 2012.
Suma pa ni The Freeman entertainment writer Vanessa Balbuena nga nahinabi ang kadagkuan sa Mutya ng Pilipinas organization mag-courtesy call si Gomez kang Presidente Benigno Aquino III.
Sunod semana pa muabot sa Sugbo si Rizzini. Sa balita sa 24 Oras sa GMA-7 adtong Martes sa gabii, gipadayag ni Rizzini ang iyang tinguha nga managkot sa Basilica del Sto. Niño sa iyang paghibalik unya dinhi sa Sugbo.
Ang 22-anyos nga si Gomez kasamtangang naghupot sa titulo Mutya ng Pilipinas Tourism 2012. Una niini, misalmot siya sa Miss World Philippines sa milabay nga tuig.
Si Gomez nga anak ni UC Webmaster coach ug kanhi PBA hotshot nga si Ruel Gomez, unang nailhan sa natad sa indigay sa kaanyag dinhi sa Sugbo niadtong 2008 human siya nakoronahan isip Miss Mandaue.
Pagka 2009, misalmot siya sa Miss Cebu ug nahimong first runner-up.
Pagka sunod tuig, siya maoy pambato sa dakbayan sa Sugbo sa Miss Aliwan Festival Queen diin nalangkat niya ang korona.
Si Rizzini, registered nurse ug produkto sa University of Cebu.
Siya ang ikaduhang Pinay nga nakalangkat sa maong titulo sukad nagsugod ang maong indigay sa kaanyag niadtong 1994. Ang unang Pinay nga nakoronahan isip Miss Tourism International mao si Maria Esperanza niadtong 2000.
Nasayran nga 55 ka mga kandidata gikan sa nagkadaiyang nasud ang gipildi ni Rizzini atol sa pageant didto sa Sunway Resort sa Petaling Jaya, Kuala Lumpur, Malaysia.
Ang ubang mananaog naglakip nila Monika Radulovic of Australia, (first runner-up), Marielis Alejandra Castellanos Perez of Venezuela, (second runner-up), Lourdes Maria Del Carmen Motta Rolon of Paraguay, (third runner-up) ug Jun Yong Wan Jun of Malaysia (fourth runner-up).
Shake Up 2013!
As of December 22, sa hapon, mao ni akong post sa Facebook:
Shake up 2013!
1. I shall be closer to my God.
2. I'll be active in Twitter.
3. No more men who will just use me for their fantasies (pakkk, fantasy jed? Atik ra! ahahaha).
4. Devote 200% passion for my jobs.
5. Stop looking for love...it shall find me instead.
6.
7.
8.
9.
10....
Before 2012 ends there shall be no more blanks.
Pero wala nako nakompleto, sa ka busy gumikan sa advance articles nga kinahanglang himuon para sa January 1 ug 2, issues sa Banat News Hugyaw nga seven years old, (tan-awa atong bag-ong logo---pakpak), nalimtan na lang gyud ni nako nga post. Adtong January 1, 2013, may usa ka lakang nga gihimo nga sulod sa 16 ka tuig kanunay nakong gibalibaran ug wala gyud buhata, ang pag-color sa akong buhok. Growing up in a small island (Pilar, Camotes) adtong mga panahon nga ang mga tubig-tubigan pa lamang maoy dunay telebisyon ug ang kasagaran nagsalig sa radyo alang sa mga kalambuan ug balita matag karon ug unya, wala ko kaila og fashion ug uso intawon. Gani, pag-abot nako sa USJR in 1996, mag-slacks, leather shoes unya paresan og t-shirt ra baya ko most of the time pag-first year, because for me mao gyud to akong naandan. Yet, mangatawa man akong mga classmates uy, kay pataka ra daw ko og “fashion.” Kever, ko ba! First and foremost, mao gyud to akong naandan nga istilo sa sapot sa adlaw-adlaw didto sa isla. Ikaduha ug labing importante, kuwang ra intawon akong allowance para sa gastuhan sa balay, pagkaon ug kinahanglanon sa iskuylahan, fashion-fashion na lang gyud akong unahon? Pakkk!
And yes, I refused to color my hair for 16 years also for two reasons. Una, because I am from the isla, makakita mi sa mga sinsurador nga bwagaw og buhok gumikan sa pagsige nila og sawom sa dagat intawon, busa dili kaayo nako na feel. Pero ang labing dakong rason mao nga niadtong padung nako mag-college gihimadlan ko sa usa ka higala nga inig abot matud pa nako diri sa Cebu ma-“culture shock” ko, inig balik nako sa isla, taas nako og buhok, colored na. So ako siyang giingnan nga dili na mahitabo, kinahanglan nga dili ko niya i-typecast kay I’m different and I’ll prove it to him. Pakkk!
Mao gyud to ang nasilsil sa akong alimpatakan sa daghang katuigan. Pero adtong Martes sa buntag gikan simba, samtang naglakaw pauli, it dawned on me nga for 16 years nabilanggo ko sa kahadlok og unsay isulti niadtong maong higala nga akong kapustaanay ug gipasaligan. Ngano ba nga ang akong kalipay magdepende man sa unsay isulti niya? It was so stupid of me! Pwes, pagpatupi nako, I decided nga magpa-color ko sa akong hair, right then and there! I want to shake up my 2013, personally and professionally and coloring my hair is a good start. And hey, there is nothing wrong with striving to look good, basta wala ka nangawat o sa tinarong lamang nga pamaagi. That’s loving your self and that’s very positive! Pakpak!
So what is in store for me this year? Ingon akong feng shui expert friend nga si master Aldric Dalumpines, 2013 maoy sinugdanan sa walo ka tuig nako nga sunod-sunod nga kalampusan kay sheep man akong sign. Kagahapon nabasa pud nako akong horoscope prediction nga nagkanayon nga may musulod nga dugang source of income for me (I have two jobs, dyRC and Banat News Hugyaw), being Sagittarian, ug positive matud pa ang mahitabo in the professional and personal fronts. But really, I wanna shake up my 2013 pinaagi sa pagganoy sa akong kaulingon paingon sa kiliran sa Ginoo. I wanna be closer to God. Everything should start and end with God. That for me is the best way aron pagtay-og sa akong 2013!
What about you dear okRYANians?
Reaksyon? I-text sa 0943-431-4567, uban sa imong ngalan ug address sa dili pa ang tingpaniudto karong adlawa (12noon, January 3, 2013). Dili pwede textmate2x! Aww!
Magdungog gihapon kita pinaagi sa okRYAN sa dyRC 648 khz, 10am to 12noon, Lunes—Sabado. O pinaagi sa www.dyrc-cebu.com