Merry Christmas!

Mao na ni All over the World mga Ka Tribung BisChikadora! Duha na lang ka adlaw Pasko na! Ang inyong Yur’s truly wala pa gyud nakapamutos kay  wala pa man ko’y puston? Hahahahaha! Basta ang importante matag adlaw ang diwa sa Pasko kay magpabilin, ang gugma sa imong isigkatawo. O di ba Hugyaw?

Mas naHugyaw ko katong gipaambit nako kaninyo katong dunay nikontak nako sa unang semana sa January karung tuiga kay ila nakong gi-book para sa ilang event. Nangutana ko kung kanus-a ang ilang event, ingon sa pikas linya kay Disyembre pa daw pero espesyal kini karung tuiga tungod kay magsaulog sila sa ilang anibersaryo, tuod man sa walay pagduha duha niingon ko og “yes.” Nidagan ang mga minuto, oras, adlaw ug buwan, naabot gayud ang dakong adlaw nga among gipaabot ang Christmas Party ug 20th Anniversary sa Crew Asia.

Dili ana kasayon ang kasinatian para sa mga preparasyon, maayo na lang nga full force ang support ni Mam Inday, Mam Sheila ug Mam Liza ug labaw sa tanan ni Captain Allan Mill- Irving, ang Chairman sa Crew Asia para mahimo kining realidad. Gikan sa mga hand props sama sa maracas, kalo, mga games para sa mga bata, venue sa party ug ang angay lafangon ug ang uban pa. Dunay banda ang Kerara Souls Band nga hugyaw usab kaayo. Pero ang nakaHugyaw kay among final set up sa adlaw sa among event Dec. 15, 2012 pagpadulong pa lang nako sa Lowaii Cebu Marine Beach Resort  dako na kaayo ang dag-um nakaingon ko sa akong kaugalingon nga usa kini ka pagsuway, tuod man, sa set up pa lang nitaligsik na, pagka hapon nibundak ang uwan, didto na nako gipagawas ang mga nahibaw-an nga ritwal ang pagsindi og kandila ug kung dunay rain and butanding dance, naa koy gunting the panganud ritwal. Murag gidungog ang akong mga pag-ampo kay niundang ang uwan pagka kilom kilom. Dunay games for the kids, unya sa wala pa nagsugod naa ang banda nga maoy nilingaw sa mga bisita, pagsugod sa programa usa ka kanta nga haom kaayo sa among okasyon nga nakapatandog nako kay nigawas na ang bituon, unya usa ka welcome message gikan ni Captain Allan Mill–Irving pero natandog ang akong kasingkasing na-sad ko kay usa ka surpresa ang iyang gihatag kanako mao kini ang loot bag nga ilang giveaways sa mga bata. Nakasingit man ko og sulti ni Captain Irving na I love the loot bags kay napuno og mga candies ug uban pa, murag na feeling bata ko! Hahahahahah! Game usab kaayo sila sa among Pinoy Henyo Game. Ang mga gipang raffle? Hugyaw!

Para mas hugyaw gyud ang ilang anibersaryo sa Crew Asia, pagkahuman sa closing message ni maam Liza Moran Jarque ang President ug General Manager sa Crew Asia gisunod dayon ang bonggang bongga nga fireworks nga bonggang-bongga! Wala nagpaulahi para sa jamming of the band! Nakaingon ko sa akong kaugalingon “ Lord thank you for always being there for us” kay para nako ang pagpaundang sa uwan usa na ka answered prayer para mamahimong malampuson ang maong event. Dili man perfect ang programa kay dunay mga kakulian nga dili kapugngan, ang mga pahiyom, katawa, pakpak sa mga nitambong usa kini ka dakong kalampusan nga dili kabayran.

Duna kay saktong mga dokumento para mamahimong seafarer? Aduna kay on board experience locally or internationally? Naa kay maayong command sa English? Ganahan ka mas monindot ang imong career? Maayo ang imong evaluation sa imong mga niaging trabaho? Labaw sa tanan, naa kay professionalism nga mo representar sa atong nasod ngadto sa gawas? Kung imong tubag kay “yes” ang Crew Asia maghatag nimo ug career sa yachting.

Sa mga interesado nga gusto mo trabaho inyong mabisita ang ilang opisina sa Suite 403 Cebu Holding Center , Cardinal Rosales Ave. (near the corner of Mindanao Avenue) Cebu Business Park o motawag sa (032 ) 2321732 o pwede mag email sa inyong mga resume sa recruitment@ crewasia.ph

BisChika Pahibalo : Mga Ka-bischika, kung kinsa diay tung gusto mopaambit sa nadawat nila nga blessings, mas maayo nga atong suportahan ang tinuig nga kalihukan sa Parish Youth Coordinating Council –Guadalupe kung diin mopahigayon sila og Christmas party alang sa mga less fortunate children sa hinapos nga bahin karong buwana. Gitawag kini og Pasko sa Kabataan 2012 ug karong tuiga, katambayayong nila ang Signed Modeling Agency. Kung kinsa kadtong gusto nga modonar  mahimo kamong mokontak sa president sa PYCC-Guadalupe nga si Dean Sagrado pinaagi sa 09225575931.