Simbang Gabi

Mao na ni All Over the World! Pila ka adlaw na Pasko na! Gani karung adlawa nagsugod ang Simbang Gabi mao nga ang inyong Yur's truly gibuhat ang tanan nga bisan medyo adunay mga raket o events makasimbang gabi ang beauty. Dugay na nga panahon wala kini nako nakumpleto pero karung tuiga akong paninguhaon nga makab-ot nako.  Malipayon ko nga naa'y moimbitar sa inyong BisChikadora para mosalmot sa ilang mga gift giving bahala og layo kini sa syudad pero ang importante kay mapaambit nimo ang imong talento.Salamat Lord!

PangBuenaMano kaayo ang Gaisano Grand Malls para sa ilang pinaskuhan sa mga kabataan sa Camp 4, Talisay City. Sayo pa lang sa buntag kay nagbabag nako kauban si Angelica sa Gaisano Fiesta Mall Tabunok kay didto kami mag-abot, taud-taud nilugwa si Gleven Boiser nga ready na kaayo. Sa walay paglanganlangan kauban si Maam Mabelle sa  Kapuso Foundation  Cebu ug ang mga  staff and crew sa nahisgutang mall headed by Jhaz Owerta go na among beauty. Bisan sa KKK (Kainit, Kaabog, Kakapoy ) niini wala kini namo panumbalinga ang importante mahatod namo ang Serbisyong Tinud-anay. Hugyaw kung hugyaw kay lingaw kaayo ang mga bata nga nakadawat og sayong pinaskuhan nga duna pa'y mga tsinelas on the side. Unya kung busy kaayo mi sa among programa sa ilang entablado nga naa gawas sa barangay hall ang  sulod sa barangay hall kay busy usab sa ilang nanay sa cooking demo kauban si mommy Regina Lingaolingao nga mas nailhan nga Mommy Jo. Unsa ang iyang gitudlo sa mga nanay? Ang iyang winning Nutri - Chef Challenges Winning Recipe, ang Mixed Vegetable Omelet ug Vegetable Spaghetti. Ayaw kamo kabalaka kay akong ipaambit kaninyo kung unsaon pagluto sa lamian kaayo nga Mixed Vegetable Omelet. Nauli kami nga puno sa pahiyom ang among mga nawong. 

Napuno usab sa pahiyom ang akong higala nga si Chef Marc Cuizon nga nipaambit kanako nga   ang iyang grupo, ang Chef Marc Group of Charity Inc. ug ang The Cebu Models Society and Volunteers nagkahiusa na usab para sa ilang proyekto gawas sa Sugbo, nitikang sila sa Pinamudlanon, Leyte! Kauban nila sa maong proyekto ang iyang nailaila nga magtiayon nga Jeremy and Charity Green nga nagpuyo sa San Francisco Southern Leyte. Sigon pa ni Chef Marc nga sa mubong panagkaila nila sa magtiayon nabuksan  ang usa ka idea nga tabangan nila ang usa ka tribu. Tungod sa pagpaningkamot ni Chef Marc ug sa mga miyembro niini, ang damgo nahimong usa ka realidad. Dunay gamay nga programa ang gibuhat sa grupo dunay mga games for the kids, gangnam dance contest, (Chef nanayaw ang tribu? Ka cute!), gisunod dayon ang feeding program, Christmas gift giving, nanghatag usab sila og mga tsinelas sa tribu. 

" SCHOOL SUPPLIES giving for the native Pinamudlanon kids, since they are not attending school. Hopefully this coming summer soon, with your support, we can provide them a small bamboo house library," sigon pa ni Chef Marc  nga ilang paninguhaon mabuhat sunod tuig sa Abril.

Manghinaut ko nga sunod tuig makakuyog nako ani Chef Marc! Padayuna ang imong maayong buhat kauban sa imong grupo kay ang BisChika naa sa imong kiliran para muhatag og suporta bisan sa ginagmay. Ganahan ko sa imong linya Chef Marc nga "every step with us is a step                of hope, a step of care". Bow nako!