Natuwa rin ako sa balitang pagpapakasal ng anak-anakan kong si Billy Crawford sa girlfriend niyang si Nikki Gil. Kahit hindi pa ito ngayon at sa 2014 pa, nakatutuwa na rin na malaman na may balak na sila. Hindi naman maaapektuhan ang career nila kung saka-sakali. Established na sila pareho as singers and TV hosts. Papayagan na sila ng fans na mag-asawa na. After all, 30 na si Billy. Puwedeng-puwede nang mag-pamilya.
Mayor Atienza tuluy-tuloy sa Maynila
Napanood ko kahapon ’yung programang Maynila at may mga nakita akong guest na taga-kabilang istasyon. Nasiyahan ako dahil, at least, hindi apektado ang show ng network wars.
Sa show nagagawang mapagsama ang lahat ng artista kahit saang istasyon sila kabilang. Kaya binabati ko ang dating mayor na si Lito Atienza sa pagpupunyagi niya sa pamamagitan ng Maynila TV show na mapag-isa ang mga artista at magawa ang kanyang programa na isang magandang behikulo para mabigyan ng pagkakataon ang mga baguhan at kabataang artista na maipamalas ang kanilang acting.
Alfred nami-miss na ang akting
Inamin ni Alfred Vargas na nami-miss nya rin ang pag-aartista pero marami siyang pinagkakaabalahan sa pagiging pulitiko kaya gustuhin man niyang tumanggap ng mga role, madalas hindi niya magawa. Mabuti na lamang at nagawa niya ang pelikula tungkol kay Andres Bonifacio. Ipinagmamalaki niyang maraming mag-aaral ang mabibiyayaan ng ginawa niyang movie tungkol sa Ama ng Katipunan. Magagamit ang pelikula niya sa pag-aaral ng Philippine history.