CEBU, Philippines - Mitingog na ang Starstruck Season 2 Ultimate Female Survivor nga si Ryza Cenon kalabot sa intriga nga matud pa usa siya ka tomboy. Tsika pa ni Ryza nga dili angay tuohan ang maong taho, gani nakabaton siya og uyab nga lalaki kaniadto nga nilungtad og unom ka tuig. Nagkatawa na lang si Ryza niini gumikan kay dugay na kaayo ang maong mga pagduda kalabot sa iyang pagkatawo ug wala gihapon kini mahupas hangtud karon. Dugang pa sa aktres nga sa pagsugod pa lang sa Starstruck kaniadto, nakasugat na siya sa maong klase nga intriga.