CEBU, Philippines - Nakakita na gyud og leading lady si Cesar Montano sa gihimo niini nga biopic ni Mayor Alfredo Lim. Napili niya ang singer-actress nga si Denise Laurel. Kahinumduman nga unang gipili ni Cesar mao si Anne Curtis apan busy kaayo ang aktres ug dili magkatakdo ang ilang mga schedule.
Walk of Fame
Muabot ngadto sa 26 ka mga artista ang gipasidunggan sa Walk of Fame (Year 7) nga gipahigayon sa miaging adlaw sa Eastwood, Quezon City. Kini naglangkob nila ni Bea Alonzo, Gretchen Barretto, Ricky Reyes, Al Quinn, Lucy Torres-Gomez, Anthony Castelo, Lani Misalucha, Ricky Lo, Arnold Clavio, Amy Austria, Rio Locsin, Nova Villa, Ronaldo Valdez, Jean Garcia, Alfred Vargas, Ara Mina, Jessa Zaragoza, Roderick Paulate, E.R. Ejercito, Pops Fernandez, Dennis Trillo, ug Carlo J. Caparas. Samtang ang posthumous recipients mao sila si Marilou Diaz-Abaya, Rosa Mia, Leroy Salvador ug Angelo Castro Jr.
Paolo nakahukom na
Mo-file na matud pa og annulment si Paolo Contis alang sa asawa niya nga si Lian Paz. Suma sa usa ka tinubdan nga gusto ni Paolo nga maangkon ang custody sa ilang mga anak.
Grade A
Nakaangkon og Grade A sa Cinema Evaluation Board (CEB) ang pelikulang Thy Womb ni Nora Aunor nga entry sa umaabot nga Metro Manila Film Festival 2012. Ang Thy Womb maoy labing una sa walo ka mga pelikula sa MMFF nga gi-review sa CEB.
Billy mobalik sa Europe
Mobalik si Billy Crawford sa Europe sunod tuig aron gamaon ang usa ka serye. Gipangandaman na usab sa singer ang recording alang sa umaabot niya nga international album.
Dongyan motan-aw sa fight ni Pacman
Molarga na karong adlawa paingon sa Las Vegas ang mag-uyab nga sila si Dingdong Dantes ug Marian Rivera aron personal nga masaksihan ang kumbati nila ni Manny Pacquiao ug Juan Manuel Marquez karong Dominggo. Suma pa ni Marian nga nasuod niya si Pacman sukad sila nag-uban sa usa ka sitcom kaniadto sa GMA-7.
Dili motan-aw
Tsika pa ni Pauleen Luna nga dili siya mamili og role, gani kapila na ka higayon nga midala siya isip kontrabida. Apan ang iyang amahan, dili motan-aw kung kontrabida ang iyang papel sa usa ka proyekto busa nahimuot siya niini.