CEBU, Philippines - Nasigpatan matud pa nga nilantaw sa concert ni Jennifer Lopez niadtong Lunes sa gabii ang mag-uyab nga sila si Aljur Abrenica ug Kylie Padilla.Giingong bag-o pa lang gani nagsugod ang concert, dali nga misibat si Kylie nga napungot ang dagway ug dayon gisundan kini ni Aljur apan wala na mahibalik ang duha. Daghan ang nagduda nga nag-away ang duha.
Juday-Piolo tandem banhawon
Dili na madayon ang tandem nila ni Kris Aquino ug Piolo Pascual sa pelikulang Undo nga iderek ni Chito Roño. Suma pa nga nahadlok ang Star Cinema nga dili mo-click ang tandem sa duha. Gihulipan si Kris ni Judy Ann Santos isip leading lady ni Piolo sa maong proyekto.
Madala ang batasan
Emosyonal si Andi Eigenmann sa dihang nihatag siya og birthday message sa iyang anak nga si Ellie ug iyang panghinaut nga madala sa iyang anak ang maisugon niya nga kinaiya nga dili magpadaugdaug sa bisan kinsa. “Yung mga tao, lagi nilang sinasabi nga na I’m strong, sana mamana ni Ellie yun,” suma pa ni Andi.
Richard isip Felix Manalo
Si Richard Gomez maoy mo- portray sa Iglesia Ni Cristo founder nga si Felix Manalo alang sa biopic niini. Gihimakak usab ni Richard ang isyu nga matud pa nga gidawat niya ang maong tanyag alang sa politikanhon niya nga interest.
Kris: Nagkalambo si Melai
Gibutyag ni Kris Aquino nga nagkalambo ang hosting skills sa co-host niya sa Kris TV nga si Melisa “Melai” Cantiveros. "Ako nararamdaman ko talaga, how much you are evolving as a host, ‘mensahe pa ni Kris ngadto kang Melai.
Ate V sakop na sa PAF
Gihatagan og ranggo sa Philippine Air Force (PAF) Reserve Command isip lieutenant colonel ang governor sa Batangas nga si Vilma Santos. Suma pa ni Ate V nga dako kining hagit alang kaniya ilabi na nga usa sa iyang mga responsibilidad ang pagpalambo pa og maayo sa pagpangandam kung dunay kalamidad.
Kever kung single
Kontento na si Snooky Serna sa iyang pagka-single ug iyaha na nga gisalig sa kahitas-an ang iyang kinabuhi. "If it’s God’s will na hindi ako makapag-asawa ulit o hindi ako magkaroon ng boyfriend, okay lang,” suma pa niya ngadto sa PEP.
Rachelle nagpa-cute sa audition
Tsika pa ni Rachelle Ann Go nga na-intimidate siya sa dancing part sa pag-audition niya sa Miss Saigon "Nagulat ako kasi yung iba nag-i-split sa air! Ako dinaan ko na lang sa project-project,” suma pa ni Rachelle ngadto sa PEP.