Sen. Miriam halos mabingi sa concert ni JLo

SEEN : Hindi tumulong si Pokwang sa promo ng D’ Kilabots Pogi Brothers… Weh!? Wala rin siya sa premiere night ng pelikula nina Jose Manalo at Wally Bayola. Walang dapat ipag-alala si Pokwang dahil hindi siya na-miss ng fans sa premiere night ng D’ Kilabots Pogi Brothers… Weh!?

SCENE : Si Vic Sotto ang escort ni Pauleen Luna sa premiere night ng D’ Kilabots Pogi Brothers… Weh!? Hindi nagpainterbyu si Pauleen sa red carpet.

SEEN : Nag-send-off party ang Bb. Pilipinas Charities, Inc. kay Janine Tugonon noong Martes. Si Janine ang representative ng Pilipinas sa Miss Universe 2012 na gaganapin sa Dec. 19 sa Planet Hollywood Resort & Casino, Las Vegas, Nevada.

SCENE : Kasama sina Venus Raj at Shamcey Supsup sa send -off party kay Janine Tugonon. May pressure ang pagsali ni Janine sa Miss Universe dahil inaasahan na mapapantayan niya ang achievements nina Venus at Shamcey na kapwa mga runner-up sa prestigious beauty contest.

SEEN : Darating ngayong umaga mula sa London, England si Andrew Wolff, ang first runner-up sa Mr. World 2012. Nakaabang ang media sa arrival ni Andrew sa Ninoy Aquino International Airport Terminal 1.

SCENE: Naingayan si Sen. Miriam Defensor-Santiago sa mga kanta ni Jennifer Lopez nang panoorin niya ang Dance Again concert. Malamang na ganoon din ang maging reaksiyon ni Jennifer kapag nakita niya ang mga video ng interbyu kay Sen. Santiago.

SEEN: Si Priscilla Meirelles ang bagong celebrity endorser ng Contours Advanced Face & Body Sculpting Institute. Ang Zerona Lipo Non-Invasive Slimming Machine ang ipino-promote ni Priscilla.

SCENE: Sumakabilang-buhay noong Martes sa Los Angeles, California ang entertainment columnist/publicist at show producer na si Jackie Regala. Heart attack ang ikinamatay ni Jackie.