Pinoy gitagbaw ni Jlo!

CEBU, Philippines - Walay mibiya sa MOA Arena nga diskontento ug nagmahay, human sa concert ni Jennifer Lopez adtong Lunes sa gabii. Ang tanan matud pa,. nalingaw ug nakontento pag-ayo.

Gikan sa opening number nga "Get Right" hangtud sa finale nga "Dance Again," gimatud-an ni JLo nganong lakip siya sa mga banggiitang performers sa tibuok kalibutan. Taho sa PEP, ang repertoire ni JLo naglakip sa pipila ka paborito sa mga Pinoy sama sa  "Love Don't Cost A Thing," "Waiting for Tonight," "I'm Real," "All I Have," "Ain't it Funny," "Jenny from the Block," ug "Let's Get Loud." Gidungagan pa kini niya og "Baby I Love U," "Hold It, Don't Drop It," ug "Papi."

Sama sa gipaabot, gi-perform pud niya ang mga sikat niyang kanta nga collaborations sama "On The Floor" (featuring Pitbull), "I'm Into You" (featuring Lil Wayne), "Goin' In" (featuring Flo Rida).

Hugyaw kaayo ang entablado nga namungingi sa laser lights, puno sa aksyon ug nagbuntaog nga screen nga nagpakita sa nagkadaiyang segments sama sa Old Hollywood Glamour, Back to The Bronx, ug Soul & Funk. Napu matud pa ka nagkalainlaing outfits ang gibida ni Jlo nga mugna sa “glittering catsuits, revealing red dress, blue tassel skirt, flowy gown, crop top, harem pants, capes, and robes.” Gawas sa iyang  "sexy" nga sampot, ang  43-year-old nga si JLo nanghugyaw pud gumikan sa iyang “six-pack abs and well-toned arms.” Nindot gyud matud pa siya’g tingog, nga nabatyagan og maayo pinaagi sa  acoustic version sa "If I had My Love" ug sa makabungog niyang performance sa "Until It Beats No More," nga iyang gihalad ngadto sa iyang mga anak nga kaluha nga sila si Maximilian David ug Emme Maribel.

Namungingi pud sa mga artista ang Arena. Lakip sa nakit-an sa PEP nga mitan-aw sila si Sharon Cuneta, Ai-Ai delas Alas, Richard Gomez and daughter Juliana, Edu Manzano, Sarah Geronimo, Anne Curtis, Boy Abunda, Korina Sanchez, Karen Davila, Suzi Entrata, Aljur Abrenica and Kylie Padilla, Kris Bernal, Benjamin Alves, Daniel Matsunaga, Isabelle Daza, Bela Padilla, Bryan Revilla, Divine Lee and Victor Basa, Bodie Cruz and mom Lynn Ynchausti, Slater Young, Rajo Laurel, Franco Laurel, Tessa Prieto-Valdes, Bianca Araneta- Elizalde, Daisy Reyes.

Maayo pud kaayo siyang muabi-abi sa iyang mga fans. Lamano didto, lamano diri ang iyang drama. Picture didto, picture diri pud ang iyang mugna, diin iyang gihulagwayan ang iyang kaugalingon gamit ang cellphone sa fans nga nagpanikad makapa-picture niya.

Human sa concert, dali kaayo siyang naka tweet og: Thank you MANILA! To all the Filipino LOVE!RS who came out tonight...Mahal Kita #untilnexttime #DanceAgainWorldTour2012"

Katy ug John maglive-in na!

Mag-live-in na matud pa sila si Katy Perry ug John Mayer. Tsika didto sa Los Angeles nga nangita na karon og balay ang duruha ug buot nila nga makabalhin na sa dili pa ang Pasko.

Usa ka tinubdan sa  The Sun newspaper nagkanayon: ''John and Katy have decided to give it a proper go and want to find a place in LA to share.

Pero daghan matud pa ang nagtinguha nga mapalpak ang maong relasyon nila ni Katy ug John. Wala makauyon ang ilang masig ka mga higala nga sila maoy nag-uyab.

May mga higala pa gani matud pa si Katy nga mitagna nga magkabuwag ra gayud silang duruha ug nga maghilak ra si Katy human niining tanan.

Apan ang negatibong reaksyon matud pa sa mga tawo mas nakapalig-on pa nilang duruha ug mas nagkasuod pa sila og maayo hinuon. “ It's given them an 'us against the world' mentality,” nagkanayon ang tinubdan. (BANAT NEWS)