Aktor wala nang pakialam, na-realize ang sobrang pagmamahal sa young actress na girlfriend
Tuloy pa rin ang relasyon ng aktor at ng kanyang young actress-girlfriend.
Hindi nagde-deny pero hindi rin inaamin ng dalawa ang kanilang love affair pero halatang-halata na inspirado ang aktor sa tuwing nagkukuwento tungkol sa kanyang dyowa.
Minsan nang nagkahiwalay ang dalawa at nang magkabalikan sila, mas binigyan nila ng pagpapahalaga ang kanilang pagmamahalan.
Na-realize ng aktor at ng young actress na sobrang love nila ang isa’t isa.
MMDA Chairman Tolentino nabiktima ng pekeng traffic enforcer
Napag-usapan nga pala namin ni Metropolitan Manila Development Authority (MMDA) Chair Francis Tolentino ang kaso ni Alyssa Alano nang magkita kami noon sa MMFF presscon sa Annabel’s restaurant.
May kaso na isinampa ang MMDA laban kay Alyssa dahil sa steel fence na nabangga ng aming Startalk co-host noong nakaraang buwan.
Pinagbabayad ng MMDA ng malaking halaga si Alyssa dahil sa property ng MMDA na nawasak ng sasakyan na minamaneho niya.
Maayos at very understanding na kausap si Chairman Tolentino na may nakakaloka na experience noong Linggo. Madalas na magbigay ng babala si Chairman Tolentino sa publiko tungkol sa mga fake na traffic enforcer pero noong Linggo ay siya ang naging biktima.
’Daaay, kahihiyan ang inabot ng fake MMDA traffic enforcer dahil mismong si Chairman Tolentino ang nakabuking sa kanyang modus operandi. Dating MMDA traffic enforcer na matagal nang wala sa serbisyo ang nasakote ni Chairman Tolentino.
Nancy gustong maging public servant
Naudlot ang launch date ko kay Senatoriable Nancy Binay dahil sa rami ng mga showbiz event sa Huwebes. Chance ko na sana na makakuwentuhan ang panganay sa limang anak ni Vice President Jojo Binay.
Walang karanasan sa politics si Mama Nancy pero gusto niya na maging public servant, tulad ng kanyang ama.
Si Mama Nancy ang last-minute candidate sa senatorial line up ng United Nationalist Alliance. Nag-file siya ng kanyang kandidatura sa Commission on Election noong Oct. 5.
Horror film ni Atty. Jojo tatapatan ang Shake...
Maraming salamat kay Atty. Jojo Alonso dahil sa imbitasyon niya sa akin sa premiere night ng The Strangers, isa sa walong official entries sa Metro Manila Film Festival 2012.
Starring sa The Strangers sina Julia Montes, Enchong Dee, Enrique Gil, at JM de Guzman.
Ang Quantum Films ni Atty. Jojo ang producer ng The Strangers at mula ito sa direksiyon ni Lawrence Fajardo, ang direkor ng Posas, ang tinanghal na best film sa Directors Showcase Category ng Cinemalaya 2012.
Isang horror movie ang The Strangers na mahigpit na makakalaban ng Shake, Rattle & Roll Fourteen, The Invasion dahil pareho sila ng genre.
Kasama rin sa pelikula ni Atty. Joji sina Cherry Pie Picache, Jaime Fabregas, Janice de Belen, at Johnny Revilla na nakita ko sa presscon para sa Metro Manila Film Festival (MMFF) noong Nov. 12.
Happy birthday, Papa Miguel!
Belated happy birthday kay Papa Miguel Belmonte!
Kahapon ang actual birthday ni Papa Miguel at good health at more wealth ang mga birthday wish ko sa kanya.
Luv yah Papa Miguel.
Aljur pag-aagawan nina Heart at Solenn
Natapos noong Biyernes ang Coffee Prince pero busy pa rin si Aljur Abrenica dahil sa shooting ng Sossy Problems at Kuratong Baleleng.
Ang Sossy Problems ang official entry ng GMA Films sa MMFF. Si Aljur ang mhin na pag-aagawan nina Heart Evangelista at Solenn Heussaff sa Sossy Problems.
Matapos matanggap ang kanyang perfect gift from Zoren…Carmina, mamimigay ng regalo
Matapos ang engrandeng surprise mob wedding na inihandog sa kanya ng kanyang ‘honey’ na si Zoren Legaspi, si Carmina Villaroel naman ang magreregalo ng saya sa TV viewers ngayong Sabado (Disyembre 1) sa Christmas countdown special ng top-rating fantasy-drama anthology ng ABS-CBN na “ Wansapanataym.
Sa episode na pinamagatang ‘Perfect Gift,’ gagampanan ni Carmina ang karakter ni Joanna, isang babaeng hindi nakaranas ng magandang kabataan. Dahil sa mga pagkukulang ng kanyang mga magulang noong siya’y maliit pa, ginawa lahat ni Joanna ang kanyang makakaya para maibigay ang lahat ng kagustuhan ng kanyang anak. Ngunit sa kabila ng mga mamahaling gamit, damit, at laruan na binibili niya, matutunan kaya ni Joanna ang higit na kahalagahan ng pagbibigay ng oras sa kanyang anak?
Makakasama ni Carmina sa Perfect Gift episode sina Jeffrey Santos, Carlos Agassi, Yogo Singh, Janica Pareño, Harvy Bautista, at Dexie Daulat. Ito ay sa ilalim ng panulat ni Mariami Tanangco-Domingo at direksiyon ni Tots Sanchez-Mariscal.
- Latest
