Andi: “We’ll always be special to each other”

CEBU, Philippines - Sa exclusive interview ni Boy Abunda kang Andi Eigenman para sa The Buzz adtong Domingo, giangkon sa young actress nga nahigugma pa siya kang Jake Ejercito kinsa bag-o lamang mibutyag nga buwag na silang duruha. Apan sa samang higayon iyang giklaro nga dili na siya buot nga may relasyon pa kang Jake kinsa atua karon sa London para sa pagtuon niini. “I don’t want to lie anymore. He told me, I guess that we’ll always be special to each other. It’s just that if he thinks that it has to be a choice between me and doing what other people think is best for him, then [I will] just let him be,” nagkanayon siya ngadto kang Abunda.

“After what happened [in his interview with media about our breakup and his parents], I’d rather not also be with him.”

Kahinumduman nga gitumbok nga dakong rason sa break-up mao ang pasumbingay sa inahan ni Andi nga si Jacklyn Jose nga matud pa, wala mauyoni ang young actress sa pamilya ni Jake, nga sila si Laarni Enriquez ug kanhi Presidente Joseph Estrada.

Gibutyag pud ni Andi nga wala na siya mibasa sa mga artikulo kabahin sa interview kang Jake didto sa London gumikan kay nagkasulti na sila kabahin niini wala pa nanggawas ang balita, ug mas mituo siya sa pamahayag sa anak ni Erap.

 Di ko na rin binasa ang articles. Kinwento na lang niya sa akin kung ano nangyari. OK na po sa akin iyon, I still forgave him. Pero iyon nga po, alam ko naman po na di naman niya kinailangang i-defend ang parents niya at my expense, especially na ako ang artista,” niya pa.

Samtang giklaro ni Andi ang iyang tweet nga “I hate boys’:

“I don’t necessarily hate boys but it just meant that I’m fine and I prefer to be single right now and focus on my priorities, what matters most, which are Elie and my career,” niya pa.

Wala mag-apas og kwarta

Gihimakak sa tinuod nga inahan ni Angeline Quinto nga si Rosemarie "Susan" Mabao,” nga nag-apas siya sa kwarta sa iyang anak hinungdan nga mipatim-aw siya. Suma pa niya, paigo na para niya nga makitang malipayon ang iyang anak.

Giluwatan kini ni Susan kagahapon sa Kris TV ni Kris Aquino sa ABS-CBN, nga naghimo og birthday special para kang Angeline nga nagsaulog sa ika-23 nga kasumaran sa adlaw’ng natawhan niini.

"Ako sinasabi ko lang, hindi ko hangad sa anak ko ang pera. Sanay ako sa hirap eh. Basta masaya ako at nakita ko masaya siya, maganda ang buhay niya. Wala akong hihilingin sa anak ko kahit ano," niya pa ngadto kang Kris.

Gihimakak pud niya nga iyang gibaligya si Angeline ngadto sa iyaan niini nga si Mama Bob nga mao gyuy nagmatuto sa singer.

"Talagang masakit po. Gabi gabi akong umiiyak, naalala ko talaga siya. Sanggol pa lang kinuha na sa akin siya sa ospital," niya pa.

"Hindi ko binenta ang anak ko. Bale binigyan lang ako ni Mama Bob ng panggastos kasi bagong panganak ako, pero hindi ko binenta si Angeline, never," dugang pa niya.

Suma pa sa abs-cbnnews, giangkon hinuon niya nga iya nang gitangtang ang iyang katungod ngadto kang Angeline human iya kining gihatag kang Mama Bob.

"Totoo yon. Nararamdaman ko magulo na yung (relasyon) naming mag-asawa, noong tatay niya. Talagang mahirap, hindi ko masabi, naiiyak ako," nagkanayon pa siya.

Usa matud pa sa mga rason nganong mibiya siya gumikan sa drugas, gawas nga wala pud siya nauyoni sa mga ginikanan sa amahan ni Angeline. "Sa papa niya nagmula 'yon. Parang tikim lang (naimpluwensyahan ako) pero hindi ko itinuloy, kaya umiwas ako sa kanya, (kaya umalis ako)," niya pa.

Pero napasaylo na matud pa niya ang amahan ni Angeline kay dili man siya madinumtanon ug nangayo na matud pa siya og pasaylo sa singer gumikan sa iyang pagbiya ug sa igsuon niini nga lalaki.

Tulfo brothers pasakaan gyud og kaso

Mirekomendar na ang  Quezon City Prosecutor's Office nga pasakaan og  kasong grave threat ang magsuon nga sila si Ben, Raffy, ug Erwin Tulfo. Kalabot kini sa insidente nga nahitabo niadtong Mayo 7 karong tuiga kung diin gihulga matud pa sa Tulfo brothers ang magtiayong Raymart Santiago ug Claudine Barretto  pinaagi sa programa nila nga T3: Kapatid, Sagot Kita.

Giingong nasuko pag-ayo ang mga magsuon  gumikan sa nahitabo niadtong  Mayo 6, 2012  kung diin nagkabangi ang magtiayon  ug  Mon Tulf, sa Terminal 3 sa  Ninoy Aquino International Airport (NAIA) nga mingresulta sa pagsinukmagay  sa duha ka kampo..

Samtang gikalipay pag-ayo nila ni Claudine ug Raymart ang nahisgutang rekomendasyon   gumikan kay makaangkon na gyud sila og hustisya. “We are fortunate and thankful that the Office of the City Prosecutor of Quezon City found probable cause for the crime of Grave Threats against the Tulfo Brothers.

“Now that the case is in court, we expect both parties to face each other during trial where mediation is an available option.

“This is a step in the right direction in the quest for justice by our clients Claudine Barretto and Raymart Santiago,” matud pa sa abogado sa magtiayon nga si Atty. Alex Avisado sa gipadala nga mensahe niini ngadto sa PEP.ph (Philippine Entertainment Portal)

Samtang gikatakda usab nga mosang-at og   “motion for reinvestigation” ang kampo sa mgaTulfo .

Base sa  text message nga gipadala ni  Raffy Tulfo ngadto sa  PEP nga wala sila kadawat og notisya  kalabot sa schedule sa mga preliminary hearing.  “Magpa-file kami ng motion for reinvestigation dahil di kami nakatanggap ng notice re [regarding] sa schedule ng mga preliminary hearing. “Wala rin kaming natanggap na kopya ng affidavit of complaint.

Ang natanggap lang namin ay yung temporary protection order at sinagot namin yun,” matud pa ni Raffy. (BANAT NEWS)