Miss Olive C 2012: Madasigon Taliwala sa Pagsuway

CEBU, Philippines - Name: Maria Cassandra Y. Yu

Nickname: Cassie

Address: 263 F. Jaca Street

Inayawan Cebu City

Birthday: September 27, 1993

School: University of San Carlos Main Campus

Course: BSBA- Marketing

Favorite Celebrity: Anne Curtis

Celebrity Crush: Channing Tatum

Song of the moment: Diamonds by Rihanna

Motto: Grow up like a strong tiger and never fall down like a grain of sand

Vital Stats: 32-24-32

Height: 5'5

Pageant Titles:

Miss Teen Metro 2010-First runner up

Miss Silka Cebu 2011

Miss Mandaue 2012-3rd runner up

Perlas ng Kaliguan Surigao 2012

Miss Gaisano Mactan 2012-2nd runner up

Miss Image USC 2012

Mutya Han Samar 2012, First Runner up

Miss Casino Filipino Cebu 2012

Miss Olive Cebu Campus Model 2012

Batan-ong ganahan og mga pagsuway sanglit nagtuo siya nga makatabang kining tanan sa iyang paglambo isip indibidwal. Mao kini ang paghulagway sa bag-ong Miss Olive C Campus Model-Cebu nga si Cassie sa iyang kaugalingon. Suma pa niya, ganahan siya og tawo nga "matinud-anon kanako dili lang sa akong atubangan kundi bisan wa kami gakuyog. Dili gyud ko ganahan og mga bakakon ug mga tawo nga libakera."

Disisais anyos siya, dihang una siyang nagsugod pagsalmut og mga indigay sa kaanyag human siya nakaplagan sa make-up artist nga si Pops Capul. Una niini, giganoy siya ni Pops sa mga photo shoots sa mga desinyo sa karon nagkasikat na nga pageant director sa Sugbo nga si Lemuel Rosos.

"Sa pag-apil og mga pageant, dili gyud malikayan nga mu-uli na napildi. Usa gayud kini sa mga dili maayong na-agian nako, gasto pa kini ug gigahinan gayud nako og dako nga panahon. Mapasalamaton hinuon ko nga nakaagi ko niini kay makatabang man kini kanako sa pagpaninguha nga husayon ug e-improve nako ang akong kaugalingun," saysay niya sa Banat News Hugyaw.

Aminado si Cassie nga may mga intriga gayud nga nagpalibot sa matag pageant, busa dili na lamang niya pa kini tagdon aron paglikay sa kasamok. Dugang pa niya, ang matag intriga nga ibato ngadto niya, mas nagdasig pa hinuon niya aron maningkamot sa matag pageant nga iyang apilan.

Paborito niya si 1999 Miss Universe First Runner Up Mirriam Quiambao, "kay usa siya ka babaye nga adunay beauty ug brains. Bilib sad ako kaniya kay bisan man og natakilpo siya, proud ug graceful gihapon siya nga mibarog og balik gikan sa pagkatumba."

Adunay uyab si Cassie ug gibutyag niya nga uyon ang iyang mga ginikanan nga makigrelasyon siya basta bukas lamang siya ngadto kanila sa mga detalye sa iyang gugma ug nasayud usab siya sa iyang limitasyon.

"Nakauyab na ko ug kami gihapon sa akong uyab hangtod karon. Nagkaila mi sa skwelahan, ug sa taas nga panahon sa iyahang pag-atang ug pagpanguyab pud sa akong mga ginikanan, ako siyang gisugot. Karon, maskin naa mi maagian nga mga bagyo/challenges sa usa ka relasyon, nipili kami nga mupadayun ug atubangon kini nga mga challenges nga gakuyog."

Paukyab Questions:

Banat News Hugyaw (BNH): Kun masayran nimo nga bayot ang imong uyab, unsay imong buhaton?

Cassie: Syempre ako siyang buwagan. Pero dawaton gihapon nako iya pagka-tawo og unsa siya ug ako siyang suportahan og asa siya malipay.

BNH: Kun buwak ka, unsa ka nga matang sa buwak ug ngano man?

Cassie: Sunflower. Kay parehas niini, ganahan ko muhatag og kalipay ug kaanyag sa mga tawo nga makakita kanako.

BNH: Kun hatagan ka og higayon nga maka-dinner date og sikat nga personalidad kinsay imong buot nga makauban tali nila ni Justice Secretary Laila Delima, Rep. Gloria Arroyo o Sen. Mirriam Defensor Santiago?

Cassie: Kung papili-on ko, ganahan ko nga maka-dinner date si Sen. Mirriam Defensor Santiago. Usa siya ka intelehente ug prangka nga babaye ug gatuo gyud ako nga daghan kaayo kog makat-onan gikan kaniya. Naa sad siyay sense of humor. Intelligence + Sense of Humor + Wit = Intelligent and Fun Conversation.

 Serious Questions

BNH: Unsay imung baruganan sa RH Bill?

Cassie: Para nako, wala akoy pagsupak sa RH bill. Mas maayo nga naay saktong edukasyon ang katawhan kabahin niining butanga kay makatabang gyud kini sa ilang health. Hinuon, naa ra gyud sa discretion sa mga tawo og unsa ilang pili-un ug unsay mas makaayo para kanila.

BNH: Kun mubalik ang 2011, unsa sa mga nabuhat nimo ang dili na nimo buhaton? Ngano man?

Cassie: Para nako, wala akoy angay usbon sa mga nahitabo pag-2011, gatuo ako nga tanan nahitabo niadtong panahon kay nakatabang kanako sa pag-abot sa akong mga achievements karong tuiga ug nakatabang nako sa pag-grow as a person ug as a professional.

BNH: Adunay istorya nga migawas nga "nag-wala" (nag-wild ka) sa usa ka dance club gumikan kay nagbuwag mo sa imong uyab, unsay tinuod nga istorya?

Cassie: Hahaha. Gakatawa ako pagbasa nako ani nga pangutana. Usa kini nga issue nga dili tinuod. Wa ta kahibawo ang gakatag niini kay usa ka tawo nga naibog kanako ug akong gi-busted. Gakatawa gayud ako ug akong uyab niini. Sa tanan nakong laag, kuyog nako akong uyab kay di man ko sugtan sa akong mga ginikanan mulakaw og late night kung wala siya. In fact, kami gihapon hangtod karon, 2 years kapin na kami  nga manag-uyab ug going strong pa gyud.

BNH: Unsay labing ikapasigarbo nimo sa imong pangidaron karon?

Cassie: Ang akong labing ipasigarbo karon kay ang akong pamilya ug ang ilang walay hunong nga suporta kanako.  Mapasigarbohon pud ako nga tungod sa akong pag-apil ug pagdaog sa mga pageants ug pag-apil sa mga events ug photoshoots, napa-eskwela nako ang akong kaugalingun.

BNH: Unsay imong pilion: beauty or brain? Ngano man?

Cassie: Mas pili-un nako ang brains, kay ang knowledge kay usa ka butang nga dili mailog ug makuha nako, ug bisan kadugay sa panahon, dili gyud kini muhupas. Para nako, bisan simple lang ka nga pagkatawo, pwede gihapon ka mamahimong beautiful sa imong mga simple ways.

 BNH: Unsa para nimo ang meaning sa happiness?

Cassie: Para nako ang happiness kay ang pagkakontento sa unsa ang gihatag kanako sa Ginoo. Para nako, dili gyud malipayon ang tawo nga di kontento sa unsay naa kaniya.