Matapos ipakilalang co-host si Grace Lee Wil Time, sisibakin na rin!

Seen : Kasiraan kay Andi Eigenmann ang rebelasyon ni Jake Ejercito na magkasabay ang pakikipagrelasyon niya noon kina Jake at Albie Casino.

Scene :  Ang mga haka-haka na malapit nang magpaalam sa TV5 ang Wil Time Bigtime. Bad news ito para kay Grace Lee na ipinakilala lamang noong Sabado bilang new co-host ni Willie Revillame.  Sa track record ni Grace, wala siyang TV show na nagtatagal.

Seen :  Sa November 23 ang first birthday ni Elle, ang lovechild ni Andi Eigenmann. Muling nabuhay ang isyu tungkol sa tunay na ama ni Elle dahil sa mga pahayag ni Jake Ejercito.

Scene : Tahimik na ang buhay sa Canada ng former sexy star na si Priscilla Almeda. Nag-celebrate ng birthday si Priscilla noong November 19 sa Calgary, Canada. Maganda pa rin si Priscilla pero tumaba na siya.

Seen : Hindi nagpainterbyu sina John Lloyd Cruz at Angelica Panganiban sa red carpet premiere ng 24/7 In Love sa SM Megamall Cinema noong Martes. Hindi natanong sina John Lloyd at Angelica  tungkol sa mga pasabog nito laban sa ex-boyfriend na si Derek Ramsay.

Scene : Hindi nakatulong sa pagbabalik sa telebisyon ng Magpakailanman ang life story ni Zendee Rose Tenerefe dahil natalo sa rating ang nagbabalik na show ni Mel Tiangco.