Justin gitambagan ni Oprah

CEBU, Philippines - Gitambagan karon sa  talk show host nga si Oprah Winfrey ang Canadian pop singer nga si Justin Bieber kalabot sa kinabuhing minyo.

Nasayran nga  mipadayag si Justin nga target niini nga   magpakasal kung moabot na siya og  25-anyos.

Matud pa ni Oprah nga bata ra kaayo ang maong edad  ilabi na kang Justin.

“I think 25’s too young, actually. I really do — and particularly for you. Your whole 20s is about discovering who you really are, and you owe that to yourself, particularly because of the business that you’re in [where there’s] not a lot of self-discovery time because so much is already defined for you,” suma pa sa talk show host.

Kahinumduman nga daghan kaayo og babaye ang  na-link karon sa singer ug mga modelo ang kasagaran niini ug usa kini sa gidungog nga rason sa break-up nila ni Selena Gomez.

Powerhouse cast Pahiram ng Sandali

Human sa pipila ka kausaban, hingpit na nga gipaila sa GMA Network ngadto sa publiko ang kinatibuk-ang cast sa umaabot niining dakong teleserye nga langkuban sa bug-at ug banggiitang mga artista, ingon man mga sumusulbong pa lamang sa industriya. Kini mao ang Pahiram Ng Sandali, nga magsugod na karong Lunes, November 26, isip hulip sa Coffee Prince nga manamilit na karong Biyernes sa GMA Telebabad.

Pasigarbo ni  Redgie Acuña-Magno, GMA’s AVP for Drama  “Bawat isa sa atin ay may hiram na sandali.  Kaya magugustuhan ang Pahiram Ng Sandali ng ating mga Kapuso. Yung buhay natin.  Yung makapiling natin ang mga mahal natin sa buhay.  Yung trabaho natin.  Makapag-aral.  Lahat iyan ay mga hiram na sandali.”

”Pero ang tanong, matatagpuan ba ang pag-ibig na karapat-dapat ipaglaban sa isang hiram na sandali?, pagsagbat usab ni Director Maryo J. Delos Reyes, kinsa maoy anaa sa likod niining maong obra maestra.

Dili malimod ang kalampusan ni Direk Maryo sa industriya, sanglit siya maoy nagpaluyo sa mga dili malimtan nga mga mugna sa industriya sa nanglabay nga katuigan.

Siya maoy nagtanom kang Lorna Tolentino aron hingpit kining mamahimong celebrity pinaagi sa Diosa, usa ka romance-fantasy project nga naglakbit usab kabahin sa pag-amuma sa kalikupan. Ug dili malimtan ang iyang Magnifico, nga mihatag kaniya og  “grand slam victory” adtong 2004.

Suma pa usab ni Lilybeth Gomez-Rasonable, OIC sa GMA’s Entertainment Group: “Viewers will find Pahiram Ng Sandali exciting because it mirrors our lives, how we are, what we are and how falling in love makes us different from who we thought we were.  Even more engaging is to discover how someone we love can alter our destinies.”

Samtang human sa kalampusan sa One True Love, si Redgynn Alba, Program Manager  sa Pahiram Ng Sandali, masaligon nga kining labing bag-o niyang proyekto dili usab mudismaya sa gipaabot sa kadaghanan. “Considering the exceptional talent of our cast and the team behind Pahiram Ng Sandali, we can promise that viewers will witness the finest on Philippine television.”

Giisip nga “casting coup” ang mga naglangkub sa Pahiram Ng Sandali pinanguluhan ni  Metro Manila Filmfest 2011 Best Actor Dingdong Dantes, kinsa andam na nga mupakita sa iyang talento sa pag-arte isip Alex Santiago, kinsa maamumahon nga anak ngadto sa iyang inahan ug nahigugma sa babaye nga maguwang pa niya, ang maong kalambigitan maoy mu-usab sa iyang mga tinguha sa kinabuhi.

Samtang si  Lorna Tolentino mao si  Janice Alvaro, usa ka media executive kinsa may kahiubos nga gibati sa iyang bana gumikan sa ka walay interes niini ngadto kaniya ug nahugyaw sa matinud-anong atensyon ug pagbati nga gibubo sa usa ka batan-ong lalaki ngadto kaniya.

Ni Lorna pa, “Magugustuhan niyo po ang Pahiram Ng Sandali kasi kapag nakilala ninyo ang characters namin sa series, makikita niyo rin yung sarili ninyo.  Maaalala ninyo yung sarili niyong experiences, yung sarili ninyong feelings.  Na lahat tayo ay tao lang.  Lahat tayo ay nagsisimula sa tamang rason at motivation.  Pero nagugulat na lang tayo na natatagpuan natin ang sarili natin sa maling sitwasyon dahil sa desisyon ng ibang mga tao at dahil sa mga pangyayari na hindi natin inaakalang makaka-apekto sa pagkatao natin.”

Si Lorna lakip sa pipila lamang ka mga grand slam actresses sa Pilipinas.  Lakip sa dili malimtang pelikula ni Lorna mao ang  Maging Akin Ka Lamang ug Narito Ang Puso Ko.

Ang beteranong actor nga si Christopher de Leon lakip usab sa powerhouse cast sa Pahiram ng Sandali isip Phillip, bana ni Janice. Usa sa labing respetado nga aktor, si Christopher  nangharos og pasidungog sa Tinimbang Ka Ngunit Kulang ug My Other Woman, ug daghan pa.

Si Mark Gil mao si Larry Gomez, amahan ni Dingdong.  Nagbakus siya og tulo ka Best Supporting Awards usa niini naggikan sa  Magnifico.

Ipailaila pinaagi sa Pahiram ng Sandali mao ang sumusulbong  nga Kapuso actress nga Max Collins isip Cindy, gawasnon ug mapangahason nga babaye nga mahigugma ni Alex. Una siyang milugwa sa  The Good Daughter  ug Coffee Prince.

Si Alessandra de Rossi mao si Baby, kabit ni Philip. Disisais anyos pa lamang kaniadto si Alex dihang gipakpakan ang abilidad sa pag-arte pinaagi sa Azucena.

Ang uban pang may mga importanteng papel sa Pahiram Ng Sandali mao sila si Sandy Andolong, Roi Alvarez, Isabel Rivas, Neil Ryan Sese, Julio Diaz, Kristoffer Martin, Luz Valdez.

Paambit pa ni Dingdong, “Words will never be enough to articulate the beauty of Pahiram Ng Sandali as an artwork.  And am proud to say na sa palabas namin ay walang bida at kontrabida.  Dahil ang mas mapapansin ng viewers ay kung paano pinagsanib ang galing ng bawat isa sa amin, sa harap o likod man ng camera, dahil para sa bawat isa sa amin, ang project na ito ay isang hiram na sandali lang.  Bihira ang ganito kaganda. Bihira ang ganitong pagkakataon.”

”And like the best things in life, you can’t have it for a lifetime.  Puwede pa siguro na, you shall remember Pahiram Ng Sandali for a lifetime.  Kaya sana, huwag niyo pong palampasin.  Sana ay sama-sama nating pagsaluhan ang hiram na sandaling ito.”

Promosyon gipaneguro

Mibakasyon karon si  Mother Lily Monteverde didto sa  New Zealand uban sa iyang  mga anak. Sa wala pa siya molarga, gipaneguro niya daan nga nakahan-ay na ang mga butang sa pag-promote sa nag-inusara nga entry  sa Regal Entertainment, Inc. sa Metro Manila Film Festival (MMFF) 2012 , ang Shake, Rattle & Roll XIV: The Invasion.

Bag-ong album

Gi-revive ni  ­Ronnie Liang ang sikat nga awit ni Aiza Seguerra nga Akala Mo. Kabahin kini sa bag-ong album ni Ronnie sa Viva Records, ang May Minamahal.

Grade B

Nakakuha og grade nga “B”  sa Cinema Evaluation Board ang pelikula sa Star Magic talents nga 24/7 in Love. Gibituonan kini nila ni Piolo Pascual, Gerald Anderson, Kim Chiu, Sam Milby, Pokwang, Maja Salvador, Diether Ocampo, Daniel Padilla, Kathryn Bernardo, Xyriel Manabat, ug Zaijian Jaranilla. Nalakip usab niini sila si Bea Alonzo, Zanjoe Marudo,  John Lloyd Cruz ug Angelica Panganiban.

Miss Saigon gidumogan

Moabot sa kapin sa 1,000 ka mga tawo ang nagpa-auditon sa Miss Saigon  sa miaging adlaw dinhi sa Pilipinas. Nasayran nga 75% niini  mga babae ug  25% usab ang mga lalaki . Ang uban niini nagikan pa sa Australia, Hong Kong, ug uban pa nga dapit sa kalibutan.

Official soundtrack

Mipagawas na karon sa ilang official soundtrack  ang serye  nga “Ina, Kapatid Anak” . Gilangkoban kini sa mga awit nga“Ikaw Lamang” ni Angeline Quinto, “Kailan” ni  Bryan Termulo, “Ikaw” ni Erik Santos, “Kung ‘Di Sa Iyo” ni  Xian Lim ug ang  carrier single nga  “Ngayon at Kailanman” ni  Ariel Rivera.

Wala magdali

Tsika pa ni Jake Cuenca nga walay angayan nga dalian busa dili pa siya katubag sa pangutana kung kanus-a niya panguyaban si Lovi Poe. Una na nga giangkon ni Jake  nga duna siya’y pagbati ngadto sa aktres.

Lalis likayan

Suma pa ni Billy Crawford nga wala gyud siya gibati og kapuol sa lima ka tuig nga relasyon nila ni Nikki Gil. Matud pa ni Billy nga maglikay sila kanunay sa lalis hinungdan nga nagkalig-on ang ilang relasyon.

Dingdong mipalabi sa viewers

Aminado si Dingdong Dantes  nga daghan ang naghandum sa Best Actor award apan sa iyang bahin,  kontento na siya nga malingaw ang viewers sa  Star Cinema horror film  nga One More Try. Kahinumduman nga nakuha usab ni Dingdong  ang maong  award   sa pelikula sa  miaging  tuig nga “Segunda Mano.”