Bakit hindi na lang hintayin ang muling pagpapalabas ng Magpakailanman bago magsasalita ang mga taong nasa likod at harap ng programa na kahit saang anggulo tingnan ay obvious na ginagamit ang Maalaala Mo Kaya para sa promosyon ng ire-revive na show?
Granting na minsan ay napataob ng Magpakailanman ang MMK pero, ito ang nagbabu sa ere at hindi ang MMK, hindi ba? Kung mapapadapa nilang muli ang MMK, eh congrats sa kanila. Siguruhin lang nilang mapapanatili nilang maganda ang programa, kundi baka mawala itong muli.
Direk Erik Matti, biglang naging in demand
Hindi pa nahuhusgahan ang bagong sex symbol na ipinakikilala ni director Erik Matti sa kanyang bold film na Rigodon, at kahit may mga sinehan pa na nagpapalabas ng horror film niyang Tiktik, meron na agad siyang susunod na pelikula na gagawin. Ito ay ang On The Job na tatampukan nina Piolo Pascual at Gerald Anderson kasama sina Joey Marquez, Joel Torre, Maegan Young at Shaina Magdayao. Dramatikong pelikula ito tungkol sa mga pulis at bilanggo. Si Piolo ang gaganap ng role ng pulis at si Gerald ang preso.
Ang pagsasama kina PJ at Gerald ay siguradong gagambala sa pananahimik ng kanilang mga fans at followers na hindi papayag na mapag-iwanan ang kanilang mga idolo sa aktingan. It will surely start a competition sa pagitan ng dalawang aktor na tulad nang nangyari nang unang magkasama sina Piolo at Jericho Rosales sa Dahil Sa Pag-ibig.
Hindi pa tapos at nasa kalagitnaan pa ang pakikibaka ng mga maka-Piolo sa mga umaatake sa kanilang idolo sa Twitter pero, heto at handa na naman sila sa isang pakikipaglaban sa mga maka-Gerald naman.
Kristel, maganda pa rin pero kailangang magpapayat
Maganda pa rin si Kristel Romero na nakita kong nanood ng premiere showing ng Talo, Tabla, Panalo, isang indie film na pinrodyus nina Amy at Tony Abarquez at nagtatampok kina Eddie Garcia, Boots Anson Roa at German Moreno. Sila ang mga bida sa tatlong kuwento na nakapaloob sa pelikula tungkol sa mga senior citizen at ang malungkot na buhay na pinagdaraanan nila.
Nagbabalik pelikula pala si Kristel at kung napaagaga lamang ang pagpapakita niya, baka nai-cast pa siya ni direk Neal Buboy Tan sa pelikula.
For a while ay namahinga si Kristel sa pag-aartista niya at nag-concentrate sa kanyang pamilya pero, muli siya nakakaramdam ng malaking kagustuhan na makaarteng muli kaya muli siya napagkikita sa mga showbiz events. Konting pagpapapayat lang at puwede na naman siya.