Bianca, hindi tinatalaban sa matitinding halikan nina Dennis at Glaiza
Ang maraming kissing scenes ng BF na si Dennis Trillo at Glaiza de Castro sa Temptation of Wife ang isa sa mga itinanong namin kay Bianca King nang makita namin siya sa presscon ng 38th Metro Manila Film Festival dahil entry ang movie nilang Sossy Problems ng GMA Films.
Hindi man lang ba siya nagseselos sa napapanood kina Dennis at Glaiza?
“Of course not! I’m a film student at bilang artista, tinitingnan ko ang mga ganung eksena sa technical aspect. It’s nothing, it’s just acting.”
Follow-up question sana namin kay Bianca ay kung good kisser ba si Dennis based sa napapanood niya, pero baka masamain ang tanong namin.
Naaaliw pala si Bianca sa role niyang si Danielle sa nabanggit na pelikula, anak ng dating politician na may problema sa pera kaya karamihan sa mga gamit, pati ang LV bag ay fake. ‘Katuwa raw ang eksenang madidiskubreng fake ang bag ng friends niyang sosyalera dahil natastas ang tahi ng bag. Hahaha!
Mga kanta sa bagong album ni Gary V., may kuwento!
Nalaman namin kay Angeli Pangilinan-Valenciano na sa recording studio ni Gary Valenciano sa bahay nila sa Antipolo ni-record ang songs sa 10-track new album nito under Universal Records entitled Gary V Sings: Just For You.
Magugustuhan ng fans ni Gary ang album na naglalaman ng mga kantang sumikat noong 80s at 90s gaya ng carrier single na In Your Eyes, ang What Matters Most na 25 years ago pa sumikat at ang iba pang songs na request at pinangarap lang noong una ni Angeli na i-record ni Gary.
Nagulat kami sa version ni Gary ng It Might Be You dahil ibang-iba sa version ni Stephen Bishop. Habang kinakanta ito ni Gary, naalala namin ang interview namin kay Mr. Bishop sa nagsarang Ratsky ni Randy Santiago. Never namin na-imagine na mai-interview ang composer at singer ng song na ito.
Anyway, may story ang bawat songs na kasama sa album, pero natuwa kami at parang may part two dahil nangako si Gary na sa launching ng next album niyang ganito rin ang concept, mas kakanta siya at walang interview. Like namin ‘yun!
Sa ASAP 2012 sa Sunday ang TV launch ng album, kakantahin ni Gary ang carrier single at Overjoyed. May launching din siya mamaya sa Venice Piazza Mckinley Hill Taguig City at bukas, sa Eastwood City.
Max suportado ng mga kasamahan sa Coffee Prince
Iyakin pala itong si Max Collins dahil napaluha nang ibalita sa kanya ng manager na si Perry Lansigan at muling napaiyak nang malamang natutuwa ang mga kasama sa Coffee Prince na siya ang makakapareha ni Dingdong Dantes sa Pahiram ng Sandali. Mapapanood na starting November 16, sa direction ni Maryo J. delos Reyes.
Full support sina Aljur Abrenica, Kris Bernal, Steven Sila, Benjamin Alves at direk Ricky Davao sa kanya. Napaka-professional daw ni Max at may ugali pala itong after ng take niya sa Coffee Prince, tinatanong si direk Ricky kung okey ang acting niya at kung ano ang dapat niyang i-improve.
Para kay Benjamin, deserving si Max sa big break na dumating sa kanya at matagal na itong ready na mag-lead. Ang Pahiram ng Sandali ang papalit sa Coffee Prince, kaya parang hindi umalis si Max sa nasabing time slot.
- Latest
