Napuno sa kahugyaw ang tibuok convention hall sa J Centre Mall sa dihang mirampa sa ilang tagsa-tagsa ka mga ‘mardi gras costume” ang mga kandidata sa Mr. & Ms. Olive C Campus Model Search niadtong Nobiyembre 9, 2012 sa alas otso sa gabii.
Kapin sa 1,500 ka mga tawo ang mitambong sa prestihiyosong kompetisyon arun mosaksi ug mo suporta sa ilang tagsa-tagsa ka mga nauyunan nga kandidata.
Gilingaw sa mga nagkalain-laing mga performers ang mitambong sa maong kompetisyon pinaagi sa pagpasundayag sa nagkadaiyang talento.
Ang 25 ka mga kandidata sa Mr. & Ms. Olive C nagpakita sa ilang kaanyag sa dihang ilang girampa ang ilang evening gown ug formal attire samtang giharana sa Sinulog Idol 2012 finalist nga si John Hammond.
Human sa tulo ka buwan nga pagpangita sa bag-ong hulaway sa Olive C isip representante sa Sugbo, sila si Casandra Yu sa University of San Carlos-Main Campus ug Nathaniel Tiu sa Cebu Institute of Technology University ang nakakuha sa titulo isip Mr. and Ms. Olive-C 2012 kinsa nagpakita sa ilang karisma, kaanyag ug kautukan sa pagtubag sa mga pangutana.
Si Yu ug Tiu ang opisyal nga mga representante sa Sugbo sa umaabot nga Olive-C national pageant nga ipahigayon unya sa Baguio City karong umaabot Enero 2013.
Sila si Yu ang Tiu nakadawat og cash prize nga nagkantidad og P30,000 , mga produkto gikan sa Olive-C, gift certificates gikan sa mga sponsors, tropeyo, overnight stay sa Hotel Stella, beauty treatment gikan sa It Figures ug bouquet.
Ang ubang mananaog mao sila si Junichi Yabushita (First Runner Up), Cebu Doctors University; Brigitte Burato (First Runner Up), University of San Carlos-Main Campus; Lyrey Yves Campos (Second Runner Up), Velez College and Marie Shane Ortega (Second Runner Up), Advance Institute of Technology.
Ang 1st Runner-Up nakadawat og P20,000 ug ang 2nd Runner Up nakadawat og P10,000 cash prize diin ang tanan nakadawat og gift certificates gikan sa mga sponsors ug mga beauty products gikan sa Olive-C,
Malipayon ug mapasalamaton nga mipadayag sila si Yu ug Tiu sa nakab-ot nga kadaugan tungod sa mga suporta nga ilang nakuha gikan sa ilang pamilya ug katawhan.
Si Yu miingon nga mogahin siya og oras alang sa iyang pagtuon human sa kadaugan sa kompetisyon. Dugang ni Yu nga iyang padayunon ang iyang workout ug pagkaon og mga healthy food isip pagpangandam sa umaabot nga national competition sa Olive-C.
Matod usab ni Tiu iyang pangandaman ang umaabot nga national competition pinaagi sa pagbansay-bansay sa iyahang mga tubag sa mga pangutana unya sa kompetisyon.
Special Awards
Mr. and Miss Placenta: Darren Reyes and Cassandra Yu
Mr. and Ms. T Perfume: Junichi Yabushita and Rhona Marie Lopez
Mr. and Ms. Smile: Lyrey Yves Campos and Rowhe Ramos
Mr. and Ms. Hapuhap Spa: Junichi Yabushita and Patrice Joy Bonghanoy
Mr. and Ms. Glutamin: Julio Miguel del Rio and Brigitte Burato
Mr. and Ms. Ana’s Gift Shoppe: Lyrey Yves Campos and Catherine Cuerpo
Mr. and Ms. Work Out Fitness Center: Darren Reyes and Julie Queen Ygot
Mr. and Ms. Discovery Model: Lyrey Yves Campos and Cassandra Yu
Mr. and Ms. Studs: Nathaniel Tiu and Rowhe Ramos
Mr. and Ms. Beauty Wonderland: Nathaniel Tiu and Rhona Marie Lopez
Mr. and Ms. 2GO Travel: Lyrey Yves Campos and Jessa Marie Jane Cariaga
Mr. and Ms. It Figures: Nathaniel Tiu and Kharyn Kate Odever
Mr. and Ms Photogenic: Nathaniel Tiu and Jessa Marie Jane Cariaga
Mr. and Ms Congeniality: Nathaniel Tiu and Rowhe Ramos
Best in Production: Lyrey Yves Campos and Rowhe Ramos
Mr. and Ms. Freeman/Banat News Readers Choice Award: Lyrey Yves Campos and Marie Shane Ortega
Best in Mardigras Costume: Julio Miguel del Rio and Cassandra Yu
Mr. Philippine Airlines: Lyrey Yves Campos
Ms. Air Asia Travel: Cassandra Yu
Best in Formal Attire and Evening Gown: Nathaniel Tiu and Cassandra Yu.
Top 8
Contestant No. 3 (Ms. Aivy Mae Costro)
Contestant No. 13 (Ms. Rowhe Ramos)
Contestant No.4 (Ms. Marie Shane Ortega)
Contestant No.12 (Ms. Rhona Marie Lopez)
Contestant No.5 (Ms. Meriam Marie Epe)
Contestant No.9 (Ms. Catherine Cuerpo)
Contestant No.7 (Ms. Brigitte Burato)
Contestant No.8 (Cassandra Yu)
Top 7
Contestant No. 14 (Mr. Marlon Tansengco)
Contestant No. 22 (Mr. Troy Rizon)
Contestant No. 16 (Mr. Junichi Yabushita)
Contestant No. 24 (Mr. Darren Reyes)
Contestant No. 23 (Mr. Santiago Gio Sevilla)
Contestant No. 21 (Mr. Lyrey Yves Campos)
Contestant No. 25 (Mr. Nathaniel Tiu)
Nagmalampuson ang maong prestihiyusong kalihukan pinaagi sa pagtinabangay sa mga nagdumala inubanan sa mga sponsors ug lakip na niini ang makanunayong suporta sa katawhan nga mitambong sa maong kalihukan.