Protégé winners pasok sa T.G.I.S.
CEBU, Philippines - Malakip ang mga Protégé grand winners nga sila si Jerick Gonzales ug Thea Tolentino sa remake sa youth-oriented program nga “T.G.I.S.”
Matud pa nga usa kini sa pasiuna nga proyekto nila ni Jerick ug Thea isip mga bag-ong nawong sa showbiz industry.
Makauban nila ang karaang miyembro sa T.G.I.S. nga sila si Bobby Andrews ug Angelu de Leon.
Ang ubang mga bitoon niini gikatakda nga ipaila karong November 16 sa Party Pilipinas. Ang orihinal nga meaning sa T.G.I.S. mao ang “Thank God It’s Sabado,” apan niining higayona, sa adlaw nga Domingo na kini ipasalida nga sugdan na sunod buwan. Matud pa nga ang meaning sa “S” karong panahona, nagpasabot na og Sunday.
Dumalahon kini sa orihinal nga mga direktor sa maong show nga sila si Mark Reyes ug Dominic Zapata.
Una na kini nga gipasalida niadtong 1995 hangtud sa 1999. Pipila sa original cast members sa T.G.I.S kaniadto naglangkob nila ni Dingdong Dantes, Antoinette Taus, Sunshine Dizon, Polo Ravales, Anne Curtis, Kim Delos Santos, Onemig Bondoc, Rica Peralejo ug Ciara Sotto. (BANAT NEWS)
- Latest
