Kristoffer Martin at Kuwentong Subic sa Tropang Potchi

MANILA, Philippines - Ngayong Sabado (November 10), isang makuwela at exciting na umaga ang ihahatid ng Tropang Potchi tampok ang kanilang Subic adventure kasama ang celebrity guest na si Kristoffer Martin.

Matutunghayan na sa tambayan ng ating mga ka-potchi ang kuwentuhan kasama ang magtataho na si Kuya Kris (Kristoffer). Sa gitna ng masayang usapan at kainan ay may nagawang hindi maganda ang ka-potchi nating si Miggy. Ano na naman kaya ang nagawa ni Miggy? Magalit kaya ang ating mga ka-potchi?

Samantala, susubukan nina Nomer (Nomer Limatog), at Julian (Julian Trono) na ayusin ang silya habang ikinukuwento ang kanilang naging extreme adventures sa Subic Treetop Adventure, ang kanilang pakikipaglaro sa sea lion, dolphins at marami pang iba sa Ocean Adventure.

Sapat na kaya ang naging oras nila para maayos ang nasirang silya?

Mapapanood ang Tropang Potchi tuwing Sabado pagkatapos ng Dra­gon Ball sa GMA7.