GARRY: Padayon atong pag-ampo nga duna’y milagrong mahitabo sa atong higala ug kauban sa buhat, si Marlon Bellita, nga anaa karong sa Intensive Care Unit sa Chong Hua Hospital. Samtang dili palang dugay, natapos ang usa ka phenomenal hit TV series nga “Walang Hanggan” sa ABS-CBN nga gibidahan nilang Coco Martin and Julia Montes. Bisan pa man natapos ang maong serye, apan pabilin gihapon kining talk of the town kay lagi pwerte man gyud nindota ang ending. Sa finale, wala kita mapakyas kay atong expectations lahi ang ending.
Mitutok gyud kos ending, Vatski, bisan nagbakasyon ko didto sa Vigan City, kay lagi si Daniel ug Katerina, abi nako mabuhi pero namatay diay. Iba kasi ang Kapamilya ug ang mga artista nga midala sa maong serye kay ila gayud gihatagan og hustisya ang ilang character. Hilig man gyud ko motan-aw og teleserye, usa ni sa pinakapaborito nakong tan-awon matag-gabii kaniadto.
VATSKI: Maayong adlaw, Gar, ug sa tanang mga loyalista sa Banatanay! Nahuman na ang atong pagsaulog sa Adlaw sa mga Kalag ug Santos, ug dili madugay Pasko na sab. But unta sa dili pa na maabot, maayo na intawon atong suod nga higala nga si sir Marlon Bellita. Ato lang gyud siyang iampo pirmi, kay prayers can move mountains gyud.
Back to the issue, murag daghan man nasagmuyo sa ending sa “Walang Hanggan,” Gar. Kay ngano kuno patyon ang duha ka bida, nga pwede ra man happily ever after ang ending, nga maoy naandan natong mga Pinoy. Mao tong pwerte kayawyaw sa Facebook sa mga tawo, wala kunoy pulos ang pakigbisog sa duha ka character, patyon ra diay gihapon. Useless gyud! Mao nang dili gyud ko motan-aw anang mga teleserye sa ABS-CBN kay gawas nga gatuyok-tuyok lang ang istorya, bati pa gyud og ending. Kita ray gibinuangan. Abi nato og unsa ka nindot, patay ra diay gihapon ang mga bida. Way ayo!
GARRY: Di ka mag-tell, Vatski kay bisan gani sa mga pulong-pulong maapil gyud og hisgot ang Walang Hanggan. Ingon niana ka-hit ang maong serye. Very dramatic kaayo ang ilang scenes gikan sa major casts hangtod na sa mga minor casts.
Maayo unta naa pa’y part 2 sa Walang Hanggan pero ambot unsaon kaha pagmugna ang maong istorya. Dili gyud ma-question, nindot ang usa ka salida o pelikula, Vatski, basta dili itihik ug gastohan gayud ang maong proyekto. Ti-aw muna pinaagi sa Walang Hanggan, si Paulo Avelino, diin GMA 7 kaniadto, misulbong iyang career tungod sa maong serye. Iyang gihatagan og hustisya ang iyang character. Kudos ninyo tanan!
VATSKI: Part 2, hello? Sa langit? Kung mao na kadakong binuang. Or basin mugnaan dayun sa ABS-CBN nga dili diay tinuod nga namatay si Daniel ug Katerina. Kung mao nay mahitabo, klaro gyung pangwarta! Or padak-on to nilang bag-ong Daniel, para napud maghimo og laing love story? Pwede bag-ong plot na sab? And kung mahimo kanang dili violent kay daghan biyang manan-aw. Unya kanang dili balik-balik ang plot kay sum-ol na kaayo. Gisum-ulan gani kong way tan-aw tan-aw, unsa na kaha tong sige’g tan-aw.
Sa laing bahin, akong pahalipay sa Purok Kaymito sa Barangay Maacas, Catmon, nga midaug sa Dance Showdown last Oct. 26, pista ni sa Macaas, Gar. Ug ang Purok Tambis ug Purok Lumboy ang mihakot sa Rayna ug Hari sa Kumbamba, respectively. Bongga ilang presentation atong gabhiuna, nga gipanguluhan ni Bless Roble-Misa. Sa tanang taga Macaas, belated happy fiesta ug daghang salamat sa inyung kanunay’ng pagsuporta sa Banat News. Ug ato diayng i-greet si Brenda Batuto, Gar, ang atong kauban diri sa Banat News ug belated happy birthday (Oct31). Ug katong mga loyalista sa Banatanay, pwede mo magpada sa inyung birthday greetings diri, kung dili kaayo daghan, pwde nato ma-printa, pero og magpusisok na, ato lang i-raffle siguro. Haha! Bitaw, i-text lang ninyo diri. Daghang salamat!
Pangutana: Unsay inyong reaksyon sa ending sa Walang Hanggan? Nakauyon mo o wala? Ngano man? I-text ang imong opinyon, dungan sa imong ngalan ug address ngadto sa : 0917-904-7513.
Kutob lamang karong udto, (12 noon, November 5) ang pagdawat nato sa inyong mga mensahe busa text, text, text na!