Ang suwerte ng actress na ito dahil sobrang naiintindihan siya ng kanyang actor-boyfriend. In fact, pumapayag ang BF ng aktres na itago nila ang kanilang relasyon at patago pa kung mag-date. Heto pa, kung mag-date, sa mga lugar na hindi matao at hindi pinupuntahan ng taga-showbiz para hindi sila mabuking.
Ang pinakamasakit pa, kinailangan nilang palabasing pinatigil ng actress sa panliligaw ang actor dahil may project ito na iba ang kapareha. Maniniwala na rin sana kami na sa tsikang stop muna ang aktor sa panliligaw sa aktres kung wala lang nakapagkuwento sa amin na tuloy ang relasyon ng dalawa, kailangan lang ilihim.
Kaya pala, hindi kinakitaan nang pagkabagabag ang aktres nang usisain ng press tungkol sa kanila ng aktor dahil sila pa rin. At kaya pala, ang picture pa rin ng aktres ang screen saver ng cell phone ng aktor dahil very much on pa rin sila.
Pangarap na SUV ni Alden natupad na
Wagas ang ngiti ni Alden Richards nang ibalita sa press na nakabili na siya ng bagong sasakyan, pero hindi Fortuner na una niyang balak. Ang Santa Fe na isang SUV din ang binili dahil mas malaki, seven seater at kasya sila ng kanyang pamilya at dahil tatlong magkakapatid lang plus his dad, pati lola niya puwede pang sumabay sa kanila.
“Katas nang pinaghirapan” ang tawag ni Alden sa new car niya na sa first two days, siya muna ang nag-drive. For family use na ang old car niya at natutuwa dahil may magagamit na ang ama sa pagpasok sa trabaho at maihahatid pa sa school ang kapatid na babae na kanyang pinag-aaral.
Sa March next year pa raw ang next soap nina Alden at Louise delos Reyes, pero mapapanood ang aktor sa Indio na January 2013 ang airing. Life story ni Alden daw ang pilot episode nang nagbabalik na Magpakailanman at ipapakita pati ang pagsali niya sa Mr. Calamba noong 2010 na kanyang napanalunan.
Kung matutuloy ang plano ng GMA 7, one month siyang ipi-feature sa Maynila at itatambal sa different leading ladies para siguro makita kung kanino pa siya bagay bukod kay Louise.
Mapapanood din si Alden sa MMFF entries na Sossy Problems ng GMA Films bilang love interest ni Bianca King at Si Enteng, Si Agimat at Ako nina Sen. Bong Revilla, Vic Sotto at Judy Ann Santos.
Matteo gagawa na rin ng album
Pati pala si Matteo Guidicelli magre-recording na rin at ang manager nitong si Jojie Dingcong ang album producer. Palilipasin lang nina Jojie at Matteo ang Undas at pagbalik ni Matteo from Hawaii, aayusin na ang kanyang album.
Sa mga nagdududa sa kakayahang kumanta at mag-recording ni Matteo, ipinaalala ni Jojie na kumakanta at maganda ang boses ng kanyang talent. Kumakanta si Matteo sa ASAP 2012.
Wala pang maikuwento si Jojie kung anong tipo ng mga kanta ang isasama nila sa album ni Matteo at hindi pa rin niya alam kung aling record label ang magdi-distribute. Basta target nilang mag- start ng recording sa November.
Ms. Gloria naudlot sa aso…
Hindi pala natuloy si Ms. Gloria Romero sa Aso Ni San Roque sa hindi pa namin alam na dahilan. Si Boots Anson-Roa ang pumalit kay Ms. Gloria sa role ni Constancia na misis ni General Maximo Aragon (played by Eddie Garcia).