Seen : Pinaghandaan ni Joy Viado ang presscon ng Suddenly It’s Magic noong Lunes. Sumobra ang pag-aayos ni Joy sa sarili dahil napagkamalan siya na gay impersonator.
Scene: “Sabeehh” ang isa sa mga unang Tagalog word na natutunan ni Mario Maurer mula sa co-stars niya sa Suddenly It’s Magic.
Seen : Ang video shoot ni Regine Velasquez noong Lunes. Gagamitin ang video sa Silver, ang 25th anniversary concert ni Regine sa The Arena ng Mall of Asia sa Nov. 16.
Scene : Stranded sa New York si Charice dahil sa Hurricane Sandy. Nagsara ang ilang mga airport sa East Coast dahil sa hurricane.
Seen : Naranasan din ni Raymond Gutierrez ang Hurricane Sandy. Hindi nakalabas si Raymond sa hotel na tinutuluyan niya sa New York.
Scene : Lumipad kahapon si Ruffa Gutierrez sa Cebu City para magpa-rehistro at maiboto sa 2013 elections ang kanyang nanay na si Annabelle Rama na kakandidatong kongresista ng North Cebu.
Seen : May feud sina Paolo Contis at Gladys Guevarra. Malamig ang pakikitungo nila sa isa’t isa pagkatapos ng show ng Manny Many Prizes sa Universal Studios noong Sept. 16.
Scene : Ilang araw nang napapanood sa TV ang mga kuwento ng kababalaghan at katatakutan dahil sa All Saints Day.