Mahirap daw humanap ng tunay na kaibigan sa showbiz pero masaya si Iza Calzado sa pagkakaroon nito sa katauhan ni Karylle.
Hindi man daw madalas na magkita at magkasama ay nagkakaintindihan naman daw sina Iza at Karylle. “Well it’s the type of friendship that even if we don’t see often enough, kasi you know we both have busy schedules. Sometimes we try but we just don’t make it but we are always there for each other, we update each other,” nakangiting pahayag ni Iza.
Marami na rin daw pinagsamahan at pinagdaanan ang dalawa. “Lalo na kapag may heartaches, heartbreaks lagi kaming nandiyan sa isa’t isa. It’s a good kind of relationship because we support each other and I am just so thankful that I have a friend like her. Kind-hearted, generous at alam mo kapag may time, give gifts. She is always so supportive and happy for me,” kuwento pa ng dalaga.
Samantala, ngayon ay abala si Iza sa teleserye nilang Kahit Puso’y Masugatan. Nag-extend daw ang nasabing proyekto dahil sa magandang feedback mula sa mga manonood nito. “It seems to be doing well and we have gotten so much feedback from viewers at gusto ko lang pasalamatan lahat ng nagpupuyat at nagmamahal sa show namin na Kahit Puso’y Masugatan. Buong puso kaming nagpapasalamat at dahil sa inyo masayang-masaya ang mga tao ngayong Pasko,” pagtatapos ng aktres.
PAMILYA NI COLEEN, SOBRA ANG PAGMAMAHAL KAY GAB
Malaki raw ang ipinagbago sa pagkatao ni Coleen Garcia mula nang makilala at maging kasintahan si Gab Valenciano. Masayang-masaya raw ang dalaga sa relasyon nila ng binata ngayon. “My life changed in so many ways. I’m not that scared anymore. I feel like I can just be myself. I can be out in the open and there’s going to be someone who is willing to accept me for who I am,” pagtatapat ni Coleen.
Ayon pa sa dalaga ay gustung-gusto raw ng kanyang mga magulang si Gab. “My parents love him so much. They treat him as their own son and sobra talaga, as in they love him to death. They’re really happy for me and they’re happy for the both of us,” dagdag pa ni Coleen.
Isa raw sa mga nagustuhan ng dalaga sa kasintahan ay ang pagiging fashionable nito. “Kasi I think Gab’s sense of fashion is very unique. I really like it, I’m happy with it. We always match our outfits. That’s something about us, we always match,” natatawang kwento ng dalaga. -Reports from JAMES C. CANTOS