Bea swak sa ‘Katorse’! Richard, Dawn at Susan, tinaob sa best actor at best actress survey

Seen : Sina Coco Martin at Julia Montes ang nanguna sa best actor and best actress survey ng  Walang Hanggan.

Tinalo nina Coco at Julia ang seasoned actors na sina Richard Gomez, Susan Roces at Dawn Zulueta.

Scene : Noong Huwebes ang last taping day ng Walang Hanggan pero kahapon lamang natapos ang lahat ng mga eksena na napanood sa finale episode kagabi ng nangungunang primetime show ng ABS-CBN.

Seen : Si Atty. Ferdinand Topacio sa Tanauan Regional Trial Court noong Huwebes. Sa kabila ng masungit na panahon, itinuloy ni Topacio ang pagsasampa ng P5.7 million damage suit laban kay Bea Binene at sa nanay nito na si Carina.

Kasali sa demanda ni Topacio sina GMA legal counsel Flordeliza Vargas, GMA Artist Center assistant vice president Simon Ferrer, at GMA vice president for legal Lynn Delfin.

Scene : Si Bea Binene ang kauna-unahang 14-year old star na nakatikim ng demanda mula sa isang abogado.

Si Bea ang bagong “Katorse.”

Seen : Tumuloy sa NAIA si Matteo Guidicelli pagkatapos ng presscon ng Paraiso noong Huwebes. Bumiyahe si Matteo sa Maui, Hawaii dahil kasali siya sa XTERRA Off-Road Triathlon Global Championship na magaganap bukas, October 28.

Scene : Nakasabay ni Sharon Cuneta sa Manila flight niya mula sa Hong Kong noong Huwebes ang official statue ni San Pedro Calungsod na ginamit sa canonization ng bagong Filipino saint sa Vatican City noong Linggo.

Nakalagay sa isang large red box ang official statue ni San Pedro Calungsod na kinunan ni Sharon ng litrato habang nasa HK Airport Lounge.

Seen : Ang advance 56th birthday celebration ni Batangas Board Member  Christopher de Leon sa Salvador Laurel Hall ng Batangas Provincial Capitol.

Special guests ni Christopher ang kanyang pamilya at si Batangas Governor Vilma Santos-Recto.

Sa October 31 ang actual birthday ni Christopher na kakandidatong house representative ng 2nd District ng Batangas sa 2013.

Scene : Ang surprise announcement bukas ni Kyla sa Party Pilipinas at ang mga hinala na buntis na siya.