Ofel umeksena!
Malakas at walang tigil ang ulan kahapon kaya grabe ang trapik sa Metro Manila.
Maraming pasahero ang stranded dahil sa mga flight na kinansela na epekto ni typhoon Ofel.
May kakilala ako na papunta kahapon sa Boracay pero bumalik sa Maynila ang eroplano na sinakyan dahil sa malakas na bagyo.
Hindi ako sure kung stranded din sa Boracay si Dra. Vicki Belo na guest speaker sa isang event na ginanap doon. Si Mama Vicki ang inimbitahan ni Juancho Robles para magsalita sa event na siya ang organizer.
Ang akala ko pa naman, tuloy-tuloy na ang good weather hanggang sa December dahil ilang linggo nang maganda ang panahon sa ating bansa.
Hindi pala dahil biglang umeksena si Ofel.
Marami ang naipit kahapon sa matinding traffic situation. Kabilang si Gary Valenciano sa mga nagdusa dahil isang oras at kalahati ang kanyang biyahe mula sa The Fort hanggang sa Eastwood Libis. Nagkaroon din kahapon ng mga aksidente dahil sa malakas na buhos ng ulan.
Kondisyon ng asawa, Tanya dalawang shows lang ang puwedeng gawin kada taon
Si Tanya Garcia ang nanay ni Barbie Forteza sa Paroa: Ang Kuwento ni Mariposa.
Pinayagan si Tanya ni Mark Lapid na lumabas sa mga TV show ng GMA 7 pero may kundisyon na two programs lang per year dahil priority nila ang dalawang anak.
Good provider si Mark. Mabubuhay niya ang pamilya nila ni Tanya, kahit hindi ito magtrabaho.
Pinayagan ni Mark si Tanya na tumanggap ng TV projects dahil alam niya na nami-miss ng kanyang dyowa ang pag-arte kaya very grateful si misis.
Reyna ng mga paru-paro ang role ni Tanya sa Paroa. Bagay na bagay kay Tanya ang maging reyna dahil sa kanyang beauty. Pasado siya bilang nanay ni Barbie dahil sa kanilang mestiza features.
Joshua may matinding dahilan ang pagkawala
Missing in action ang bagets actor na si Joshua Dionisio. Napag-usapan si Joshua sa presscon ng Paroa dahil siya ang dating loveteam ni Barbie.
Si Derrick Monasterio ang love interest ni Barbie sa Paroa kaya biglang naalaala ng mga reporter si Joshua. May mga nagsabi na huminto muna sa showbiz si Joshua dahil ipinagpatuloy niya ang pag-aaral.
Walang maisagot ang mga kapwa youngstar ni Joshua kapag tinatanong sila tungkol sa kanyang kinaroroonan at ang dahilan ng sudden disappearing act niya sa showbiz.
Malakas ang suspetsa na may matinding dahilan kaya nawala si Joshua sa sirkulasyon at malalaman natin ‘yon dahil walang puwedeng ilihim sa showbiz.
Celebrity Bluff, sinubukan na
Noong Miyerkules nang gabi ang dry run ng Celebrity Bluff, ang bagong show ng GMA 7.
Mga komedyante ang mga host ng Celebrity Bluff, sina Eugene Domingo, Wally Bayola at Jose Manalo. Isang game show ang Celebrity Bluff na siguradong kagigiliwan ng televiewers dahil magaling sa pagpapatawa ang mga host.
Michelle pahihirapan si Marian
Kontrabida si Michelle Madrigal sa Temptation of Wife. Ang papel na gagampanan ni Michelle ang magpapahirap sa karakter ni Marian Rivera sa bagong primetime show ng GMA 7.
Ang Temptation of Wife ang unang show ni Rafael Rosell sa Kapuso Network pero hindi pa nakukunan ang mga eksena nila ni Marian. Ang karakter ni Rafael ang kahuhumalingan ni Michelle.
- Latest
