Meaningful Birthday
MNNAOTW! mga Ka Tribung BisChikadora usa na pud ka Domingo ang atong saw-an. Wala pa ko naka get over sa among ikalimang kasumaran sa adlaw’ng natawhan sa Buena Mano Balita. Nitatak gyud sa akong kasingkasing nga ang tibuok puwersa sa BMB didto nanukad sa CPDRC niadtong Lunes kauban ang world famous dancing inmates. Its worth it! Sayo kaayo ang among call time kay espesyal kaayo ang among episode. Mo bow ko ni partner Ching kay adtong buntaga lang gyud namo gi praktis ang among sayaw. O di ba Hugyaw? Mapasalamaton kaayo kami sa Kahitas-an nga okey kaayo ang among pag set up, usa sa mga dakong nakatabang niini mao ang mga technical crew nga puno sa enerhiya sayo sa kabuntagon. Saludo ko ninyo! Ug siyempre ang mga production staff nga walang tulugan ang drama para lang gyud makab-ot ang angay namong ihatag sa mga pinalangga namong mga viewers. Congratulations for the job well done!
Opening production number sa CPDRC dancing inmates mao ang ilang version sa famous nga Oppa Gangnam Style nga makalingaw gyud kaayo. Kami usab ang inyong mga hosts sa BuenaMano Balita giablihan kini namo pinaagi sa usa ka hugyaw nga wine toasting. Unsa man pagkahitaboa nga wala nako napugngi ang akong emosyon kay nidagayday sa akong mga mata ang akong mga luha sa opening spiels pa lang. Daghan ang nangutana nako nganong nakahilak ko, mao gyud kini ang akong rason, dako kaayo ang akong kalipay nga sa akong pagbalik sa CPDRC bisan sakit palundungon, naa pa akong mga nakaila sa sulod. Sama ni daddy Bobby ug si gwapang Melva, malipay usab kita nga ang uban nakagawas na. Naghuot akong dughan oi kay ang akong crush nakalaya na unta pero naa koy BisChika nga nasagap nagbisyo daw! Manghinaut ko nga makaamgo siya ug dili ko ganahan balik CPDRC. Magpuyo siya sa sakto (murag softdrinks?). Hahahahaha!
Nipaspas ang pinitik sa akong kasingkasing sa dihang kami na ang mosayaw pagkahuman sa usa ka commercial. Standby mode kung standby. Pagpailaila ni Allan ug Mai Mai para sa among Butanding Production Number kauban ang mga CPDRC dancing inmates, murag tanan nakong energy akong gipagawas. Hataw kung hataw gyud. Lingaw kaayo mi ni partner Ching, naa pami higayon nga mo smile with each other while dancing. Pagkahuman sa maong production number nakaingon ko nga “this is it dream come true gyud nga masayaw ang maong sayaw kauban ang CPDRC dancing inmates.” Mapasalamaton usab ang BMB kay nitabang ang Kapuso Foundation – Cebu sa programa ug usa na niini ang pagpanghatag og mga goods sa mga inmates gi-turn over kini ni Ms. Mabelle sa Kapuso Foundation-Cebu. Ug sa choreographer nga si Vince Rosales ikaw na gyud! Salamat kaayo nga bisan mubo lang ang mga adlaw para maka praktis sa maong sayaw pero nahatagan kini nimo og hustisya. Nahuman ang among programa sa sulod sa CPDRC nga puno sa kalipay. Ang tanan dunay mga pahiyom sa ilang mga nawong. Siyempre ang inyong Yur’s Truly wala nagpaulahi. Mura ko og balikbayan dunay bitbit nga pasalubong para sa akong daddy Bobby ug siya na ang muhatag sa mga sanina nga akong dala. Para kay Melva nga nagbasa karun nga nakalaya na siya, best in hair color ang akong gasa niya pakapinan pa og mga sexy attire and beauty products.
Hangtud sa sunod natong panagkita mga pinalanggang CPDRC dancing inmates. Laumi ninyo nga sa among ginagmay nga pamaagi matabangan kamo sa BuenaMano Balita. Tungod ninyo mas mabulukong nasaulog namo ang ikalimang tuig sa BuenaMano Balita. Sa pagkakarun, nanawagan ko nga e-like sa Youtube ang among sayaw ni partner Ching ug ang CPDRC dancing inmates. Mao kini ang link: “Dancing Inmates with Yuri and Ching of Buena Mano”
- Latest
