MANILA, Philippines - Magkakaroon ng mall tour ang bagong Boy Band na Yume-I na napagkakamalang mga Koreano ngayong Sabado, October 13, 2012.
Gagawin ito sa Circle C Center at 5:00 pm sa may Mindanao Avenue.
Magsisilbi itong mall tour launching na matagal nang hinihintay ng grupong Yume-I, na unti-unti nang humahatak ng kanilang mga followers. Ang grupong Yume-I ay kinabibilangan nina Shane Cote, Kelly Tan, Zai Rubis, Ej Chen, at Jeff Ching.
Nag-guest na rin ang Yume-I sa Master Showman ni Kuya Germs, Resort World na kung saan nagpamalas sila ng kanilang mga awiting nagustuhan naman ng mga manonood. Nag-guest din sila sa Makati Square’s Got Talent, nag-show na rin sila sa The Sitcom at The Library na kung saan ay duon sila pinagkaguluhan.
Ang Yume-I ay under Talent Circle Events Production na pag-aari ng kanilang Manager na si Ms. Angel A. na malaki ang tiwala sa nasabing grupo, kaya naman 100% ang suporta niya rito.
Sa darating na October 26, 2012, magpe-perform ang Yume-I sa OKTOBERFEST ng AB Dynamics Group Organizer Co. Kasama ng Yume-I ang 26 na banda na magbibigay saya sa araw na iyon at sa Sunvar Car Park Makati Square n’yo mapapanood ang nasabing grupo.
Tinatapos na rin ng Yume-I ang kanilang CD Album na may titulong YUME-I at ang carrier single nito ay ang Aking Hiling, na malapit n’yo ng mabili sa mga record bar.