PIK: Sa Oct. 21 na ang finals ng Protégé: The Battle for the Big Artista Break na soon i-announce ang grand winner sa male at female protégés. Anim ang maglalaban dito na sina Jeric Gonzales, Mikoy Morales, Ruru Madrid, Thea Tolentino, Zandra Summer, at Elle Ramirez.
Base sa mga performance nila at lakas sa kanilang mga supporters, mukhang maglalaban sa female protégés sina Elle art Thea. Sa male protégés naman ay mahirap mamili dahil pareho silang malakas at magaling. Pero mukhang labanan ito nina Ruru at Jeric.
Abangan ang labanan nila sa gala night sa Linggo pagkatapos ng Kap’s Amazing Stories.
PAK: Hanggang ngayon ay nakakatanggap pa rin kami ng mga mapanirang text messages laban kay Bea Binene. Sangkot pa rin ang radio jock na si Papa Dan sa mga kumakalat na text kaya mukhang meron talagang gustong siraan ang young actress sa ’di malamang dahilan.
Sobrang apektado sa lahat ay ang ina ni Bea na nagtataka bakit ginaganito ang kanyang anak. Hindi sanay sa intriga ang ina ni Bea na si Carina dahil napakabata pa ng kanyang anak na akusahan ng mga below the belt na isyu pero matibay si Bea at marunong na siyang mangdedma ng mga mapanirang intriga.
Sa trabaho na siya naka-focus lalo na’t magsisimula na ang bagong drama series nila ni Jake Vargas na Angelina del Cielo.
BOOM: Ipinakita sa amin ang ilang still photos ng Indio na nagsimula nang mag-taping at sobrang nalula kami sa laki nito. Kitang-kita mong ginastusan ng husto mula sa mga artistang involved, sa location, sa set at sa costume na ginamit sa taping.
Hindi pa kasali si Sen. Bong Revilla, Jr. sa taping dahil nagsimula muna nung sanggol pa siya. Ang isa sa unang nag-taping ay si Rhian Ramos na napaka-sexy sa kanyang costume bilang isang diwata.
Malapit nang mag-taping si Alden Richards na gaganap na teenager na si Malaya na karakter ni Sen. Bong.
Kaya puspusan na ngayon si Alden sa pagpapaganda ng katawan dahil naka-topless ito sa mga eksena niya.
Malaki ang pasasalamat ni Alden kay Sen. Bong dahil siya ang piniling gaganap na younger Indio. Maganda ang samahan nila sa Panday 2 nung nakaraang taon at natuwa si Sen. Bong sa kasipagan ng young actor at napaka-cooperative nito nung nagpo-promote sila ng Panday 2.
Kahit sa ilang mga events ni Sen. Bong sa Cavite at pati kay Andrea Ynares sa Rizal ay pinagbibigyan sila ni Alden kapag naimbitahan ito.