CEBU, Philippines - Ang Candidate # 8, si Patrice Joy Bonghanoy estudyante sa Accountancy sa University of San Jose – Recoletos. Nagpangedaron og 16 anyos kay nahimugso siya niadtong Sept. 28, 1995. Nagpuyo siya karon sa A. del Rosario St., Guizo, Mandaue City. May gitas-on nga 5’2” ug may timbang nga 43 ka kilo. ‘If others can, why can’t I?’ maoy naghatag niyag kadasig sa iyang mga paningkamot. Nahimo siyang 3rd runner-up sa Ms. Provincial Meet 2010. Nalangkat niya ang korona isip Ms. Pinamungajan 2011 diin nadaug usab niya ang tulo ka special awards. Nadaug usab niya ang best in formal wear ug best in smile awards sa pag-apil niya sa Ms. Gaisano Toledo City 2011. Kay mahiligon sa mga beauty contest, nangandoy siyang modaug sa usa ka dako ug inilang bangga. Hinoon ang iyang damgo mao gyud nga mahimo siyang Certified Public Accountant. Kun way klase, gusto niyang mokaon, magbasa’g libro, mag-surf sa internet o matulog lang.
# 8 – Julio Miguel del Rio (University of San Carlos – Talamban Campus)
Ang Candidate # 8 nagkuha sa kursong Civil Engineering sa University of San Carlos – Talamban Campus. Si Julio Miguel del Rio sakop sa kapunongan nga PICE sa iyang eskwelahan. Siya 20 anyos karon kay natawo siya niadtong Hulyo 20, 1992. Nagpuyo siya sa Brgy. Pajo, Lapu-lapu City. May gitas-on nga 5’6” ug may timbang nga 170 libras. Nagtuo siya nga ang pag-ehersisyo ug pagkatulog nga husto sa oras makahatag og maayong pamanit. Ang mga motto nga ‘No guts, no glory’ ug ‘Do what you can do today’ maoy iyang mga giya sa kinabuhi.
Angkona ang titulo nga FREEMAN / BANAT News Readers’ Choice Award
Pamaagi:
1. Guntinga ang coupon nga namantala sa The FREEMAN o BANAT News. Nagsilbi kini nga balota.
2. Isulat ang pangalan sa candidate nga imong pilion. Usa lang ka candidate matag coupon. Dili maapil sa ihap kung ang usa ka coupon suwatan og daghang pangalan.
3. Lakipi kini og masthead sa The FREEMAN o BANAT News (pagpili lang). A coupon uban sa FREEMAN masthead adunay (2) votes, samtang ang BANAT News masthead adunay (1) vote.
4. Ihulog ang coupon sa The Freeman office sa corner D. Jakosalem ug V. Gullas streets o sa drop boxes sa pinili nga mga partner nga establisamento ug tunghaan.
5.Voting period (October 1-25)
6. Ang iniphanay buhaton makaduha sa The FREEMAN office, PhilStar Bldg., V. Gullas cor D. Jakosalem Sts., Cebu City. Inisyal nga pag-ihap mahitabo karong October 12, 2012 (Biyernes), nga naggikan sa mga coupon nga gipanghulog sugod karong adlawa ngadto sa October 11, 2012.
7. Karong October 25, 2012 (Huwebes) sa alas 5 sa hapon ang deadline sa paghulog sa coupon.
8. Kung daghang The Freeman newspaper ug Banat News nga imong paliton, dako usab og tsansa nga maangkon sa gipili nimo nga candidate ang Reader’s Choice Award.
9. Ang candidate nga makaangkon og daghang votes, automatic nga mahimong finalist. Dako usab ang tsansa niini nga maangkon ang korona.