CEBU, Philippines - Si Mark Ian Potencioso, ang Candidate # 6, nagtungha sa University of Cebu – Banilad Campus ubos sa kurso nga nursing. Nahisakop siya sa duha ka mga kapunongan nga ginganlag CESDEV Nursing ug Upbeatz UCCN. Natawo siya niadtong Nob. 30, 1991 ug karon nagpangedaron og 20 anyos. Anaa siya magpuyo sa D.Jakosalem St., Brgy. San Antonio, Cebu City. Ang sigeng pag-inom og tubig, pagpuyo nga malipayon ug pagkatulog sa igo nga gidugayon kada adlaw maoy makapahatag kaniya’g maanindot nga pamarog. Gusto niyang mamahimong panig-ingnan sa kahimsog ug kaambong. Siya nagtamod sa panultihon nga: ‘Fuel each day magically with a smile.’
# 6 - Marie Shane Ortega (Advance Institute of Technology)
Si Marie Shane Ortega, ang Candidate # 6, nagpuyo sa 421 Acacia, Sangi, Pajo, Lapu-Lapu City diin didto ra usab siya gihimugso 14 ka tuig na ang nakalabay o niadtong Agosto 5, 1998. Nagtungha siya sa Advance Institute of Technology. May gitas-on nga 5’4”, timbang nga 45 ½ ka kilo ug vital statistics nga 32-24-32. Nakaapil na siya’g beauty contests diin nakalangkat na siya’g korona isip Ms. Aldea 2012, unya isip 2nd runner-up sa Ms. Teen Gaisano 2012 ug isip 3rd runner-up sa Ms. Punta Engaño 2012. Nangandoy siyang mahimong professional ramp model ug stewardess ugma damlag. Alang kaniya, ‘Time is everything.’ Mahiligon siyang maminaw’g musika, matulog ug magpaugnat sa kusog.