MANILA, Philippines - Mas kilala bilang ang mapangahas na si Nathan sa teleseryeng Walang Hanggan, ipapakita ng Gawad Urian best actor na si Paulo Avelino na hindi lang siya magaling sa drama kundi sa hosting din.
Abangan si Paulo sa paghahatid ng mga pinakabago sa mundo ng musika bilang celebrity video jockey ng MYX sa buwang ito.
“Unang beses ko po maging MYX VJ at sobrang nag-e-enjoy po ako,” sabi ni Paulo. Masaya raw mag-host sa MYX dahil ibang-iba ito sa nakasanayang heavy drama, dagdag pa niya.
Maliban sa pag-arte, ipinakita rin ni Paulo ang galing sa pag-awit nang ilabas niya ang kanyang debut single na When She Cries noong nakaraang buwan at nakatakda namang lumabas ang kanyang unang self-titled album ngayong Oktubre.
Panoorin si Paulo sa MYX sa mga araw na ito: Oct. 8-10 sa Pop MYX, Oct. 14-20 sa Mellow MYX, at Oct. 21-31 sa My MYX.