Happy 5th Anniversary

 BuenaMano Balita!

MNNAOTW mga Ka Tribung BisChikadora!!!! Happy 5th Year Anniversary sa inyong kinaham, partner sa kabuntagon, inyong alarm clock, naghatag og pahiyom sa mga nawong sayo sa kabuntagon ug gihimo ninyong parte sa inyong inadlaw-adlaw nga pakigsabong sa kinabuhi, ang BuenaMano Balita. Yes! Korek mga Ka Tribung BisChikadora lima na ka tuig! Kadali sa panahon nga una kining ni ere sa telebisyon niadtong October 08, 2005, gikan sa orihinal nga Trio nga silang Alan Domingo, ang multi awarded reporter, ang gwapa nga si Cherryl  “Ching” Pelayo-Dacua ug ang media personality nga si Aljin Abaquita.

Sa pagligid sa panahon, ang inyong Yur’s truly mapasalamaton kaayo nga nahimong tipik sa maong programa kauban ang orihinal hosts nga silang Alan Domingo ug partner Ching ug ang gwapa nga Balitang Bisdak reporter nga si Lou- Anne Mae Rondina. Dili nako makalimtan ang una nakong guesting sa maong show diin diha sa Abellana National High School ang location ug medyo wala pa ko sa panimuot kay nagrampa pagkagabii, pero pag -atubang na sa camera murag walay nahitabo. Sa pagdagan sa panahon, daghan ang nausab sa akong kinabuhi tungod sa BuenaMano Balita, usa na gyud niini ang akong rampa habits ( unsaon? ) basta weekdays sayo ko matulog kung wala ko’y mga lakaw, mas naduol ang akong kasingksaing sa masa ug dinhi usab nako napagawas ang akong creativity. Sa dakong suporta sa production staff headed by our Executive Producer Vlad Fernando dinhi nahimugso ang nisikat ( maghinaut ko all over the world na gyud ) ug ang bag-ong dance craze sa Central Visayas ang “ Butanding Dance”

Makauban ang mga banggiitan sa ilang henerasyon nga silang Alan ug Lou-Anne, ang nahimo nakong partner sa telebisyon ug nahimo nakong higala Partner Ching, ang ma Bischika lang nako, nindot sila ika –trabaho, walay arte, sharing the same dressing room sayo sa buntag (kung didto ko sa studio) warm -up na namo ang mga BisChika bisag          unsa nalang. Hahahahhahahaha! Kung mag-istorya na kami atubangan sa inyong mga telebisyon dali na lang kanamo. For me it’s a blessings to work with them kay mas komportable ko kung kauban nako sila. Kung ang pagmata sa kabuntagon lisod kaayo, kung ang inyong kauban kay kape, pandesal, newspaper, pero karun dili na kay basta 6:45 na sa buntag usa ka espesyal nga menu ang among ihaon kaninyo, its more fun in BuenaMano Balita!

Sa among Ikalimang anibersaryo, laumi ninyo nga daghan pa kaming mga bag-ong segments nga mugnaon para kaninyo isip paghatag og “Serbisyong Tinud-anay. “ Si Allan ug Lou- Anne maghatag sa mga balita ug impormasyon, si Partner Ching sa iyang mga trivia ug makalingaw nga mga segments, ang inyong Butanding Yuri mag-feature sa angayan natong ipasigarbo. Tungod kay kamo man ang among tinuod nga boss ug numero uno sa among kasingkasing…..

Ugma Lunes October 8, 2012 ayaw gayud ninyo sipyata kay ang tibuok puwersa sa BuenaMano Balita anha manukad sa CPDRC. Unsa’y naghuwat nga sorpresa para sa atong mga Kapusong Cebuano? Mosayaw ba kaha ang mga dancing inmates sa butanding dance? Kung musayaw kauban ba kaha ang ilang mother butanding nga si Yuri? Kining tanan para lang gyud kaninyo…

Sa makausa pa, Happy 5th Anniversary BuenaMano Balita!