CEBU, Philippines - Ang multi-media star nga si Oprah Winfrey ang gideklara sa Forbes Magazine isip highest-paid female Hollywood celebrity. Mihipos matud pa siya og $165 million gikan May 2011 ngadto May 2012.
Ang Top 10 Forbes magazine's Richest Women in Entertainment mao ni:
1. Oprah Winfrey - $165 million
2. Britney Spears - $58 million
3. Taylor Swift - $57 million
4= Rihanna - $53 million
4= Ellen DeGeneres - $53 million
5 = Jennifer Lopez - $52 million
5 = Lady Gaga - $52 million
6 = Gisele Bundchen - $45 million
6= Katy Perry - $45 million
6 = Judge Judy Sheindlin - $45 million
Dili magdahum ang beauty
Naghandum si Bea Alonzo nga maangkon pag-usab ang titulo nga Box-Office Queen, apan aminado pud siya nga dili maayong magdahom. Gikatahong mikabat na ngadto sa P300 million ang kita sa pelikula nila ni John Lloyd Cruz nga The Mistress.
Happy pero nasorpresa
Gipadayag ni Paulo Avelino nga wala siya magdahom sa kalampusan sa iyang acting career sa usa ka tuig pa lang niya sa ABS-CBN. Paspas matud pa ang mga panghitabo, apan malipayon siya sa maayong panghitabo sa iyang career human siya mibalhin og network.
Best in Dating
Giangkon ni Erich Gonzales nga usa ka tuig na sila nga nag-date sa usa ka non-showbiz guy nga wala gyud niya nganli.
Gi-display nang Iza
Gi-display na ni Iza Calzado ang iyang uyab nga si Ben Wintle atol sa 2012 Esquire Ball adtong Martes sa gabii didto sa Shangri-La-Hotel Makati.
Kataw-anan
Gikataw-an na lang ni Laguna Governor E.R. Ejercito ang intriga nga siya maoy amahan sa anak ni Angelica Jones.
Pro-Cybercrime Law
Pabor si Asia’s Songbird Regine Velasquez-Alcasid sa Cybercrime Prevention Law. Suma pa ni Regine: “"It’s good to have parameters, it’s good to have rules and regulations.”
Angel nagnilabad sa Japan?
Dunay isyu karon nga giatubang ang sikat nga aktres nga si Angel Locsin kay matud pa unprofessional kini didto sa Japan sa milabay nga buwan alang sa photo shoot para sa usa ka magazine.
Suma pa sa www.getitfromboy.com, nagpatuyang matud pa og shopping si Angel sulod sa duha ka adlaw, hinungdan nga naapektuhan ang gitakda nga photo shoot. Naglisud pud matud pa ang magazine staff pagpakigtrabaho kang Angel sa set. Dugang pa nga dihang mitanyag si Angel og pagkaon ngadto sa magazine staff isip “peace offering” wala siya panumbalinga sa mga nahisgutan.
Nicki gihulga si Mariah
Gipahunong matud pa ang auditions sa American Idol didto sa Charlotte, North Carolina adtong Martes gumikan kay miulbo matud pa ang kalagot ni Nicki Minaj batok sa iyang co-judge nga si Mariah Carey.
Gihulga matud pa ni Nicki si Mariah pinaagi sa pag-ingon nga I'm gonna knock you out'. Midugang matud pa kini sa pag-ingon nga “I'm not f*****g putting up with her f*****g highness over there.''
Ang kalagot ni Nicki naggumikan matud pa kay gipadayag ni Mariah nga wala siya kauyon nga mahimong judge ang pop star sa kabalaka nga mamahimong kataw-anan ang maong show. ''Mariah wants a panel of bright, inspirational and constructive judges. Not some freak show! Mariah thinks Nicki will just be a distraction and it will all be about her and her outrageous behaviour. Mariah will not be happy if Nicki joins the panel and she has let the producers know just how she feels!',” suma pa sa usa ka tinubdan. (BANAT NEWS)