Mao Na Ni All Over the World mga Ka Tribung BisChikadora! Usahay kung ikaw mawagtangan og gana sa mga butang gumikan kay daghan ka gihuna-huna. Ang angay buhaton mo-relax panagsa ug usa sa maka relax kanimo kay ang pagbasa sa Banat Hugyaw kay siguradong makapahiyom ka o para mas hugyaw motan-aw ka sa Let’s fiesta nga magsugod sa alas 8:30 sa buntag karung adlawa featuring : Kapuso Road Tour, all over Pilipinas ang gibisita sa inyong mga Kapuso Stars!
And speaking of bisita, gibisita namo sa akong shofaholic nga BFF Frances Gacasan inubanan sa bag-ong Magdalena Glenn Boiser-Silva ang Santander kay nakig-alayon kami sa Kapuso Foundation para sa ilang gihimo nga outreach program. Sa Love of an Angel group kay among gipakaon ang gatusan ka mga bata ug gipangtagaan og tsinelas. Pero sa wala pa ang maong feeding ug gift giving ang inyong Yur’s truly kay gilingaw usa ang mga estudyante, magtutudlo ug mga ginikanan sa usa ka programa. Bisag layo- layo ang Santander pero ang among grupo puno sa enerhiya ug positive vibes ang naa sa among hunahuna. Pagpadulong sa Santander kay nakisakay kami sa taga Aboitiz Foundation nga sama sa among tuyo ug tumong, dili gayud malikayan sa among taas nga biyahe ang mga BisChika sa mga kagahapon ug mga pasiaw nga wala namo damha. Wala damha miabot na diay mi sa Santander. Para nako bisag sige nako og balik sa maong lugar, pero ang presko nga hangin ang imong mabatyagan, maka refresh gyud nimo! Unsaon? Pag-abot namo sa munisipyo sa Santander andam na ang tanan ug para mas abtik kaming tanan best in dancing usa ang among gibuhat ug mao kini ang pagsayaw sa Gangnam Style. Init kaayo ang panahon unya kalit lang nga modag-um pero kami go for the gold. Tuod man, pagkahuman sa among ginagmay nga pagpaambit kung unsa ang naa namo, gitapos kini sa kusog nga uwan! Kung nakadala lang mi og extra clothes gusto mi mangaligo, tungod kay wala man amo una kini gipaundang sa wala pa kami nanakay og tricycle padung sa pantalan para musakay og bus. Salamat sa taga Santander kay ila kaming gidalitan og lamian nga paniudto. Winner ang tinolang manok nga binisaya istayl. As always ang gamay lang nga lafang nga akong gihimong diet nabungkag! Hahahahhahaha!
Sa pagbalik sa akong bff shofaholic nga Frances “angel” Gacasan usa lang ang iyang gi-promise nako nga bisag wala siya sa Pilipinas ang Love of an Angel group andam kanunay maghatag, magpaambit kung unsa ang naa kanamo, bisan dili kini financial aspect, sama sa ilang oras ug higayon dako kaayo kining matabang sa grupo. Hangtud na pud sa sunod nato nga panag-uban BFF angel. Usa ra pud ang sigurado ko ma-miss na pud taka. Take care always!
“Ingat” mao kini ang linya ni John Llyod Cruz sa usa sa iyang TV Commercial ug sa makadaghan pa ang inyong Yurs truly mapasalamaton kaayo sa Rose Pharmacy sa pagkuha sa akong serbisyo isip ilang host sa Meet and Greet ni JLC sa ilang opisina. This is in connection sa ilang 60 years of loving service. Sa wala pa naabot si JLC kay bugnaw pa kaayo ang lawak kung asa ipahigayon ang meet and greet pero sa dihang naa na si JLC, nagtulo ang akong singot. Init na kaayo! Hahahahahha! Sa mga nangutana nako sa Faceboook nganong naa koy picture with John Llyod Cruz ug mubalhin na ba ko sa laing istayon, ang tubag:Dili oi! Souvenir picture lang to siya. Okey lang usab nga mag-host ko bisan Kapamilya star kay dili man si ABS-CBN ang nag-invite si Rose Pharmacy man. Ayaw mo kahibulong sa sunod nako nga mga pics basin naay taga TV5. Salamat sa concern. And for that..I love you all!!!!!
ATTENTION! Makahibalo ka ba mokanta o mosayaw, (contemporary, jazz, ballet, belly, dance sport ug uban pa ), mu-beatbox, mu-rap, mu- play og mga instruments? O magician, jugglers, acrobatics, choirs, cheerdancers, bands, impersonator? Bisan kinsa puwede mo apil basta naay ikapakita nga Talento..Join na sa first ever Rose Pharmacy Search for the Ultimate Talent Factor 2012! In Celebration kini of its 60 years of Loving Service. Open kini sa tanan ma bata man o ma edaran..puede solo, duet, trio, group. Apil na dayun karong September 29, 2012 sa first audition sa SM Activity Center. Kontaka lang si Abigail Padilla sa 09228199716..salamat!