CEBU, Philippines - Sandenlang ..err, Sandali muna, mga Yadz. Mo-greet una ko’g mga bag-o nakong mga na-meet, nga nanumpang mo-read jud kono aning atong lindog. Kalami paminawon, labi na’g usa ka tag-iya’g usa ka department store, or unit sa usa ka mall, or usa ka jewelry shop, no? Pero bis’ag mga taga Carbon or taga Taboan pa uy! Lami jud paminawon. Pareho nianang namaligya’g isda ug mga manok diha’s Carbon, nga dili na ko makapangilad, kay nakaila diay nako. Ug kanang tag-iya anang Gosh Fashion accessories diha’s Colonade? Bisa’g way discount ang baligya, malipay ra ka’g ingnon ka nga mobasa jud sila sa KRISTALS. Hasta sad kono diay diha’s Kalunasan. Pastilan, TY jud kaayo ninyong hurotch. Makapataba ng puso, sa tagalog pa.
Kana hinoong mga taga Broadcast center diha sa INTV-CCTN, Channel 47, sama nilang Andrei Badayos, Bro. Ven Panimdim, Bro. Dwen, ug uban pa, dili na ko mahibulong, kun moingon sila nga mobasa pod sila kono [usahay ra pod lagi kono]. Dah! Bahala na sila diha uy. Basta ako, as a columnist anong Banat News…basta dili ko pugngan sa akong editor sa Entertainment, or sa Editor In-Chief, KEBER if dunay diha’y mangasuko kun maigo, especially if blind item lang, basta, tag-an tag-an lang gud. Basta ako, dili ko mo-confirm. Tama, Langga Neda and Bonding Adrian?
Pero kining programang “Daloydoy And Friends” starring of course, the original Daloydoy, Max Andrino, with Jun and Aris Villarta with the special participation of the very versatile Lormil Cabrera, and guest performers every week, hinganlan jud ni nakong akong intriga, although, dili man ni intriga sa showbiz. Kay star si Daloydoy? Guess, who is directing the show? His ex-wife, Miss Debbie Sta. Cruz, the writer of “The Pedro Calungsod Story.” Giingnan nako’s Debbie nga, na-intriga ko, basi’g tinuod ang rumor nilang Sam Costanilla and company, nga, Max Andrino is going to marry his ex-wife. Gitubag kong Debbie, “Da…ayaw na’g paminawa uy. Intriga ra na.”