CEBU, Philippines - Laing kahigayunan na usab nga makadaginot kamo sa inyong budget. Ang Gaisano Main ug Gaisano Country Mall mopahigayon og tulo ka adlaw nga hugyaw baratilyo nga ilang gitawag og 3-Day Weekend Sale karong Septiyembre 28, 29 ug 30. Hangtod 50% ang diskwento sa inyong mga piniling palaliton lakip na ang mga bag-ong stocks.
Sa laing bahin, mag-abot ang mga sikat nga artista nga sila si Kapuso star Bela Padilla ug ang Kapamilya star nga si Markki Stroem karong Septiyembre 29 adlaw’ng Sabado diha sa Bogo Complex. Alang kini sa Gaisano Bogo “Sakyanang Pang-Negosyo” grand draw diin manghatag og passenger-type multi-cab, duha ka motorsiklo, linibong kantidad sa mga grocery items ug mga gift certificates. Ang maong pagbola ipahigayon alas-otso (8pm) sa gabii diin gawas sa mga artista may live band usab nga molingaw sa tanang mga katawhan nga motambong.
Magbuwag kay may lain?
Mikabat ngadto sa 55 ka hugyawnatics ang misuway pagtubag sa blind item kagahapon. Apan pag-abot sa 10 sa buntag, ang mga musunod mao ra ang ensakto og tubag:
Roselin Herbaez Caraatan of Carcar City, Ma. Socorro Araiz of Basak Pardo, Cebu City, Marie Cris Nacario of Lagtang Talisay, Donna Marrie Abella of 72 B. Aranas St., Cebu City, John Levi Solitario of Inayawan,Cebu City, Lengie Ababa, of Naga City, Cebu, Victor Luceno of Marco Polo, Tessa Cabrera of Toledo City, Irene Quinopa of Laray San Roque ,Talisay City, Rosemarie Origenes of Mothers Fried Chicken, Ralph Novern Cartuciano of Talisay City, Marjury Castañares of Basak Pardo, Cristine Parot of Danao City, Julyn Pobresa of Mandaue City, Charito Ramos of Barangay Calamba,Cebu City, Joan Carumba of Dalaguete, Cebu,
Rudy C. Batolbatol Jr. of Santa Fe, Cebu, Joy Celitona of Vista Grande Sta.Lucia Bulacao, Talisay City, Junnel Alipongga, Emeliza Agbay,Verly Tangag ug Pilar Villarino.
GMA gipasi-dunggan sa VACC
Nanghakot og mga pasidungog ang GMA Network sa bag-ohay lang nga Volunteers Against Crime and Corruption (VACC) Awards nga gihimo sa miaging adlaw didto sa Camp Crame.
Ang GMA7 maoy napili nga Outstanding TV Station, samtang ang AM station niini nga DZBB maoy Outstanding Radio Station.
Outstanding Radio Host usab ang multi-awarded broadcast journalist ug GMA News Pillar nga si Mike Enriquez alang sa programa niini nga Saksi Sa Dobol B.
Ang noontime newscast sa GMA News TV nga Balitanghali maoy napili nga Outstanding Television News Program. Nagtabla usab ang mga anchor niini nga sila si Raffy Tima ug Pia Arcangel alang sa Outstanding Television News Reporter award.
Napili usab nga Outstanding News Reporter ang award-winning news producer nga si Jiggy Manicad. Si Jiggy maoy nag-anchor sa 24 Oras Weekend sa GMA7 ug News TV QRT sa GMA News TV. Kahinumduman nga nakuha na usab niini ang hall of fame sa Comguild Awards human walay putol ang nadawat niya nga award isip Best Male Field Reporter sulod na sa tulo ka tuig. Special awardee usab sa maong kalihukan ang GMA News reporter nga si Marisol Abdhuraman. Nagselebrar karong tuiga ang VACC sa ilang 14th anniversary.